ଭୁବନେଶ୍ୱର: ଓଡ଼ିଶାରେ ବର୍ତ୍ତମାନ ଯାଏ ସମୂହ ସଂକ୍ରମଣ ହୋଇନାହିଁ । ଭୁବନେଶ୍ୱରର ସୂର୍ଯ୍ୟନଗର ଓ ବମିଖାଲ ଘଟଣା ପରେ ସରକାର ଏହାକୁ ଗୋଷ୍ଠୀ ସଂକ୍ରମଣ ଆଶଙ୍କା କରିଥିଲେ । ଫଳରେ ସଂପୃକ୍ତ ଅଂଚଳରେ ସଟଡାଉନ୍ ଘୋଷଣା କରି ସ୍ୱତନ୍ତ୍ର ଟିମ୍ ଦ୍ୱାରା ଯାଂଚ୍ ଆରମ୍ଭ ହୋଇଥିଲା । ତେବେ ଉଭୟ ଘଟଣାରେ ବାହାର ରାଜ୍ୟର ଲିଙ୍କ ମିଳିଛି । ସୂର୍ଯ୍ୟନଗର ଆକ୍ରାନ୍ତଙ୍କ ସମ୍ପର୍କୀୟ କୋଲକାତାରୁ ଆସିଥିଲେ ଏବଂ ବମିଖାଲ ଆକ୍ରାନ୍ତଙ୍କ ଭୋପାଳ ଲିଙ୍କ ମିଳିଛି ।
ଓଡିଶାର ଦୁଇ ଆକ୍ରାନ୍ତଙ୍କ ଠାରୁ ବାହାର ରାଜ୍ୟର ଲିଙ୍କ ମିଳିବା ପରେ ସରକାର ସ୍ପଷ୍ଟ କରିଛନ୍ତି ଯେ, ଏଯାଏ ରାଜ୍ୟରେ ସମୂହ ସଂକ୍ରମଣ ହୋଇନାହିଁ । ମୁଖ୍ୟ ଶାସନ ସଚିବ କହିଛନ୍ତି, ରାଜ୍ୟରେ ୮୦ପ୍ରତିଶତ ଆକ୍ରାନ୍ତଙ୍କ ଠାରେ ପୂର୍ବରୁ ଭୂତାଣୁରେ ଆକ୍ରାନ୍ତ ହୋଇଥିବା ଲକ୍ଷଣ ନଥିଲା । ତେଣୁ ସମସ୍ତଙ୍କୁ ସତର୍କ ରହିବାକୁ ସେ ଅନୁରୋଧ କରିଛନ୍ତି ।
Comments are closed.