ନୂଆଦିଲ୍ଲୀ: ବର୍ମିଂହାମରେ ହେବାକୁ ଥିବା ରାଜ୍ୟଗୋଷ୍ଠୀ କ୍ରୀଡା ପୂର୍ବରୁ ଅଲିମ୍ପିକ ପଦକ ବିଜେତା ମହିଳା ବକ୍ସର ଲଭଲିନା ବୋରଗାହନଙ୍କ ଟୁଇଟ ପରେ ଭାରତୀୟ କ୍ରୀଡା ମହଲରେ ହଇଚଇ ସୃଷ୍ଟି ହୋଇଛି । ପରିସ୍ଥିତି ଏପରି ହୋଇଛି ଯେ, ଆଇଓଏକୁ ମାମଲାରେ ହସ୍ତକ୍ଷେପ କରିବା ପାଇଁ କ୍ରୀଡା ମନ୍ତ୍ରଣାଳୟ ପକ୍ଷରୁ କୁହାଯାଇଛି । ଲଭଲିନା ଟୁଇଟ କରିଥିଲେ ଯେ, ତାଙ୍କୁ ପରୋକ୍ଷରେ ମାନସିକ ଚାପ ଦିଆଯାଉଛି । ଯେଉଁ କୋଚଙ୍କ ଲାଗି ମୁଁ ପଦକ ପାଇଲି ତାଙ୍କୁ ମୋ ଠାରୁ ଦୂରେଇ ରଖାଯାଉଛି । ଏପରିକି କ୍ରୀଡା ଭିଲେଜ ପ୍ରବେଶ କରାଇ ଦିଆଯାଉ ନାହିଁ । ଲଭଲିନା ତାଙ୍କ କୋଚ ସନ୍ଧ୍ୟା ଗୁରୁଙ୍ଗ ସହ ଅଭ୍ୟାସ କରିବାକୁ ଚାହୁଁଥିଲେ ମାତ୍ର ମ୍ୟାନେଜମେଂଟ ପ୍ରଶୟ ଦେଉ ନ ଥିବାରୁ ଲଭଲିନା ପ୍ରତିକ୍ରିୟାଶୀଳ ହୋଇଥିଲେ । ଭାରତୀୟ ମହିଳା ବକ୍ସିଂ ଟିମ କୋଚ ଭାସ୍କର ଭଟ୍ଟ ଖୁବ ଶୀଘ୍ର ସମସ୍ୟାର ସମାଧାନ ହୋଇଯିବ ବୋଲି କହିଛନ୍ତି । ଲଭଲିନାଙ୍କ କୋଚ ଏବେ ଟିମ ସହିତ ସାମିଲ ହୋଇଛନ୍ତି । ବିଏଫଆଇ ଓ ଆଇଓଏ ମିଳିତ ଭାବେ ସମସ୍ୟାର ସମାଧାନ କରି ଦେଇଛନ୍ତି ବୋଲି ଭାସ୍କର କହିଛନ୍ତି ।
Comments are closed.