ନୂଆଦିଲ୍ଲୀ: ପାକିସ୍ତାନ ସ୍କୁଲରେ ପଢ଼ାଯିବ ସଂସ୍କୃତ, ମହାଭାରତ। ବିଭାଜନ ପରେ ପ୍ରଥମ ଥର ପାଇଁ ପାକିସ୍ତାନର ବିଶ୍ଵବିଦ୍ୟାଳୟ ଶିକ୍ଷା ପାଠ୍ୟକ୍ରମରେ ସଂସ୍କୃତ ଭାଷା,ରାମାୟଣ,ମହାଭାରତ ଓ ଭଗବତ୍ ଗୀତାକୁ ସାମିଲ କରିବାକୁ ଯୋଜନା କରାଯାଉଥିବା ନେଇ ସୂଚନା ମିଳିଛି।
ତେବେ ଲାହୋର ବିଶ୍ୱବିଦ୍ୟାଳୟ ପରିଚାଳନା ବିଜ୍ଞାନ (LUMS) ଏହି ଶାସ୍ତ୍ରୀୟ ଭାଷାରେ ଏକ ଚାରି-କ୍ରେଡିଟ୍ ପାଠ୍ୟକ୍ରମ ଆରମ୍ଭ କରିଛି। ବର୍ତ୍ତମାନ୍ ଛାତ୍ରମାନଙ୍କୁ ମହାଭାରତ ଟେଲିଭିଜନ ଧାରାବାହିକର ପ୍ରସିଦ୍ଧ ଥିମ୍ “ହୈ କଥା ସଂଗ୍ରାମ କି” ର ଉର୍ଦ୍ଦୁ ସଂସ୍କରଣ ମଧ୍ୟ ପଢ଼ାଯାଉଥିବା ନେଇ ସୂଚନା ମିଳିଛି।
ଗୁରମଣି କେନ୍ଦ୍ରର ନିର୍ଦ୍ଦେଶକ ଡକ୍ଟର ଅଲି ଉସମାନ କାସମି କହିଛନ୍ତି ଯେ ପାକିସ୍ତାନରେ ପଞ୍ଜାବ ବିଶ୍ୱବିଦ୍ୟାଳୟ ପାଠାଗାରରେ ଅନେକ ସଂସ୍କୃତ ସଂଗ୍ରହ ଅବହେଳିତ ଅବସ୍ଥାରେ ରହିଛି। “୧୯୩୦ ଦଶକରେ ବିଦ୍ୱାନ ଜେ.ସି.ଆର. ୱୁଲନରଙ୍କ ଦ୍ୱାରା ସଂସ୍କୃତ ତାଳପତ୍ର ପାଣ୍ଡୁଲିପିର ଏକ ଗୁରୁତ୍ୱପୂର୍ଣ୍ଣ ସଂଗ୍ରହ ତାଲିକାଭୁକ୍ତ କରାଯାଇଥିଲା କିନ୍ତୁ ୧୯୪୭ ପରଠାରୁ କୌଣସି ପାକିସ୍ତାନୀ ବିଦ୍ୱାନ ଏହା ସହିତ ଜଡିତ ହୋଇନାହାଁନ୍ତି ବୋଲି ସେ କହିଛନ୍ତି। ବର୍ତ୍ତମାନ୍ କେବଳ ବିଦେଶୀ ଗବେଷକ ଏହାକୁ ବ୍ୟବହାର କରୁଛନ୍ତି। ତେବେ ଆଗାମୀ ୧୦-୧୫ ବର୍ଷ ମଧ୍ୟରେ ଗୀତା ଏବଂ ମହାଭାରତର ପାକିସ୍ତାନ-ଭିତ୍ତିକ ବିଦ୍ୱାନମାନଙ୍କୁ ମଧ୍ୟ ଦେଖିବାକୁ ମିଳିବ ବୋଲି ସେ କହିଛନ୍ତି।
ତେବେ ଫର୍ମାନ୍ ଖ୍ରୀଷ୍ଟିଆନ୍ କଲେଜର ସମାଜବିଜ୍ଞାନ ବିଭାଗର ସହଯୋଗୀ ପ୍ରଫେସର ଡକ୍ଟର ଶାହିଦ ରସିଦଙ୍କ ପ୍ରୟାସ ଦ୍ୱାରା ଏହା ସମ୍ଭବ ହୋଇପାରିଥିବା ଜଣାପଡ଼ିଛି। ସେ ପ୍ରଥମେ ଆରବି ଏବଂ ପାରସି ଶିଖିବା ଆରମ୍ଭ କରିଥିଲେ ଓ ପରେ ସଂସ୍କୃତ ଅଧ୍ୟୟନ କରିଥିବା ନେଇ ଡକ୍ଟର ରସିଦ କହିଛନ୍ତି। ତେବେ ଶାସ୍ତ୍ରୀୟ ଭାଷାରେ ମାନବଜାତି ପାଇଁ ପ୍ରଚୁର ଜ୍ଞାନ ରହିଥିବା ମଧ୍ୟ କହିଛନ୍ତି।
Comments are closed.