ଚମକ ତ୍ୱଚା ପାଇଁ ବ୍ୟବହାର କରନ୍ତୁ ଫେସ୍ ପ୍ୟାକ୍

ଓଡ଼ିଶା ସମ୍ବାଦ ବ୍ୟୁରୋ: ଯଦି ତ୍ୱଚାର ସଠିକ୍ ଯତ୍ନ ନନିଆଯାଏ, ତେବେ ଏହା ମଳିନ ଏବଂ ଶୁଷ୍କ ଦେଖାଯିବ। ତେଣୁ ଚର୍ମର ସଠିକ୍ ଯତ୍ନ ନିଆଯିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି ଆପଣ ପାର୍ଲରକୁ ଯାଆନ୍ତି, ତେବେ ଆପଣ ନିଶ୍ଚିତ ଏକ ଚମକ ତ୍ୱଚା ପାଇପାରିବେ। କିନ୍ତୁ ପ୍ରତିବଦଳରେ ଆପଣଙ୍କର ଟଙ୍କା ମଧ୍ୟ ଅଧିକ ଖର୍ଚ୍ଚ ହେବ। ଏପରି କ୍ଷେତ୍ରରେ ପାର୍ଲର ଯିବାକୁ ମନ ହେବ ନାହିଁ। ତେଣୁ ଆପଣ ଘରେ ସହଜ ଉପାୟରେ ଫେସ୍ ପ୍ୟାକ୍ ପ୍ରସ୍ତୁତ କରନ୍ତୁ। ଏହାକୁ ଆପଣ ସପ୍ତାହକୁ ଏକ ରୁ ଦୁଇ ଥର ମୁହଁରେ ଲଗାଇ ପାରିବେ। ଏହି ଫେସ୍ ପ୍ୟାକ୍ ଗୁଡିକର ବିଶେଷତ୍ୱ ​​ହେଉଛି ଯେ ଏହା ତ୍ୱଚାକୁ ପୋଷଣ ଯୋଗାଇବା ସହ ତ୍ୱଚାରେ ଚମକ ଫେରାଇ ଆଣେ।

ଗ୍ରୀନ୍ ଟି ମାସ୍କ…
ତ୍ୱଚା ପାଇଁ ଏକ ଗ୍ରୀନ୍ ଟି ମାସ୍କ ପ୍ରସ୍ତୁତ କରନ୍ତୁ। ଗ୍ରୀନ୍ ଟି ଆଣ୍ଟି-ଅକ୍ସିଡାଣ୍ଟରେ ଭରପୂର ଅଟେ ଯାହା ଚେହେରାର ଚର୍ମକୁ ସଫା କରିବା ସହିତ ଏହାକୁ ବାହ୍ୟ ତଥା ଆଭ୍ୟନ୍ତରୀଣ ସ୍ତରରେ ଉନ୍ନତି କରିଥାଏ। ଏହାର ଫେସ୍ ପ୍ୟାକ୍ ପ୍ରସ୍ତୁତ କରିବାକୁ, ଏକ ପାତ୍ରରେ ଦୁଇ ଚାମଚ ଶୁଖିଲା ଗ୍ରୀନ ଟି ନେଇ ସେଥିରେ ବସା ଦହି ମିଶାନ୍ତୁ। ଯଦି ଆପଣ ଚାହାଁନ୍ତି, ଆପଣ ଏଥିରେ କିଛି ବୁନ୍ଦା ନଡିଆ ତେଲ ମିଶାଇ ପାରିବେ। ଏହା ପରେ, ଗ୍ରୀନ୍ ଟି ମାସ୍କକୁ ମୁହଁରେ, ବେକ ଏବଂ ଗଳାରେ ଲଗାନ୍ତୁ ଏବଂ ଏହାକୁ ୧୫ ମିନିଟ୍ ରଖିବା ପରେ ଧୋଇ ଦିଅନ୍ତୁ।

ବେସନ ଫେସ୍ ପ୍ୟାକ୍…

ଯୁଗ ଯୁଗ ଧରି ଆମ ଜେଜେମା, ଆଈଙ୍କ ତ୍ୱଚାରେ ବେସନ ବ୍ୟବହାର କରିଆସୁଥିବା ଦେଖୁଛୁ। ବେସନରୁ ଏକ ଫେସ୍ ପ୍ୟାକ୍ ତିଆରି କରିବାକୁ ହେଲେ ହଳଦୀ ବ୍ୟବହାର କରିପାରିବା। ହଳଦୀର ଔଷଧୀୟ ଗୁଣ ମୁହଁରୁ ଯେକୌଣସି ପ୍ରକାରର ଦାଗକୁ ହଟାଇବାରେ ସାହାଯ୍ୟ କରିଥାଏ। ଏକ ପାତ୍ରରେ ତିନି ଚାମଚ ବେସନ ନେଇ ସେଥିରେ ଦୁଇ ଚାମଚ ହଳଦୀ ମିଶାନ୍ତୁ। ଏଥିରେ ପାଣି ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ। ଆପଣ ଏଥିରେ ପାଣି ବଦଳରେ ଗୋଲାପ ଜଳ ମଧ୍ୟ ମିଶାଇ ପାରିବେ। ଏହାକୁ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ମୁହଁରେ ରଖିବା ପରେ ଏହି ପେଷ୍ଟକୁ ଧୋଇ ଦିଅନ୍ତୁ, ଆପଣ ଏକ ଭଲ ପ୍ରଭାବ ଦେଖିବେ।

ଅମୃତଭଣ୍ଡା ଫେସ୍ ପ୍ୟାକ୍…
ତ୍ୱଚାର ଡେଡ ସ୍କିନ ସେଲ୍ସ ଦୂର କରିବା ପାଇଁ ଏକ ଅମୃତଭଣ୍ଡା ଫେସ୍ ପ୍ୟାକ୍ ପ୍ରସ୍ତୁତ କରନ୍ତୁ। ଅମୃତଭଣ୍ଡାରେ ଭିଟାମିନ୍ ଏ ଏବଂ ଭିଟାମିନ୍ ସି ସହିତ ଅନେକ ଗୁଣ ଅଛି ଯାହା ଚର୍ମ ପାଇଁ ଭଲ। ଏକ ପାତ୍ରରେ ଆବଶ୍ୟକ ଅନୁଯାୟୀ ଅମୃତଭଣ୍ଡା ପେଷ୍ଟ ନିଅନ୍ତୁ ଏବଂ ସେଥିରେ ମହୁ ମିଶାନ୍ତୁ। ତ୍ୱଚାରେ ୧୫ ରୁ ୨୦ ମିନିଟ୍ ପର୍ଯ୍ୟନ୍ତ ରଖିବା ପରେ ଏହି ପେଷ୍ଟକୁ ଧୋଇ ଦିଅନ୍ତୁ। ଚେହେରାର ଚମକ ବଢେଇବା ପାଇଁ ଏହା ଏକ ଭଲ ଫେସ୍ ପ୍ୟାକ୍।

ମୁଲତାନି ମାଟି ଫେସ୍ ପ୍ୟାକ୍…
ଯଦି ଆପଣଙ୍କର ତେଲିଆ ଚର୍ମ ଅଛି ତେବେ ଏହି ଫେସ୍ ପ୍ୟାକ୍ ଆପଣଙ୍କ ପାଇଁ ଭଲ ହେବ। ଏହି ଫେସ୍ ପ୍ୟାକ୍ ପ୍ରସ୍ତୁତ କରିବାକୁ ହେଲେ ଦୁଇ ଚାମଚ ମୁଲାତାନି ମାଟିରେ ଦୁଇ ପିଞ୍ଚ ହଳଦୀ ଏବଂ ଗୋଲାପ ପାଣି ମିଶାଇ ଏକ ପେଷ୍ଟ ପ୍ରସ୍ତୁତ କରନ୍ତୁ। ଏହି ପେଷ୍ଟକୁ ମୁହଁରେ ୨୦ ମିନିଟ୍ ଲଗାନ୍ତୁ ଏବଂ ଧୋଇ ଦିଅନ୍ତୁ। ଯଦି ଆପଣଙ୍କର ସ୍କିନ ଡ୍ରାଏ ଅଟେ, ତେବେ ମୁଲତାନି ମାଟିରେ ମହୁ ମିଶାଇ ଏହାକୁ ମୁହଁରେ ଲଗାନ୍ତୁ ଏବଂ ଏହାକୁ ୧୫ ମିନିଟ୍ ପର୍ଯ୍ୟନ୍ତ ରଖି ଧୋଇଦିଅନ୍ତୁ।