ମାଲକାନଗିରି : ମାଲକାନଗିରିରେ ଲଜ୍ଜା । ଯୁବତୀଙ୍କୁ ଦୁଷ୍କର୍ମ କରି ଗିରଫ ହୋଇଛନ୍ତି ବନପାଳ । ଗିରଫ ବନପାଳ ହେଲେ ମୁରଲୀଧର । ବିବାହର ପ୍ରଲୋଭନ ଦେଖାଇ ବନପାଳ ଜଣକ ଯୁବତୀଙ୍କୁ ଦୁଷ୍କର୍ମ କରିଥିବା ନେଇ ଥାନାରେ ଅଭିଯୋଗ କରିଛନ୍ତି ପୀଡ଼ିତା ପରିବାର । ଅଭିଯୋଗ ପରେ ଅଭିଯୁକ୍ତ ବନପାଳଙ୍କୁ ଗିରଫ କରିଛି ପୋଲିସ ।
ସୂଚନା ଅନୁସାରେ, ମାଲକାନଗିରି ବନ ବିଭାଗରେ କାର୍ଯ୍ୟରତ ବନପାଳ ମୁରଲୀଧର ଅନୁଗୁଳିଆ ଓରକେଲ ଥାନା ଅଞ୍ଚଳର ଜଣେ ଯୁବତୀଙ୍କୁ ବିବାହର ପ୍ରଲୋଭନ ଦେଖାଇ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି । ଏପରିକି ବିବାହ କରିବାକୁ ପ୍ରତିଶ୍ରୁତି ଦେଇ ଦିନ ଗଡାଇ ଚାଲିଥିଲେ । କିନ୍ତୁ ଏହା ଭିତରେ ଅନ୍ୟ ଜଣଙ୍କୁ ବିବାହ କରିଥିବା ଜାଣିବାକୁ ପୀଡ଼ିତା । ଏନେଇ ପଚାରିବାରୁ ଧମକ ଦେଇଥିଲେ । ତେଣୁ ବାଧ୍ୟ ହୋଇ ପୀଡିତା ପ୍ରଥମେ ଅର୍କେଲ ଥାନାରେ ଅଭିଯୋଗ କରିଥିଲେ । କିନ୍ତୁ ଅର୍କେଲ ପୋଲିସ କେସ ନରଖିବାରୁ ଏସପିଙ୍କୁ ନିକଟରେ ଅଭିଯୋଗ କରିଥିଲେ । ଆଜି ମାଲକାନଗିରି ପୋଲିସ ୨୪୪ ଦଫାରେ ମାମଲା ରୁଜୁ କରି ଅଭିଯୁକ୍ତ ବନପାଳଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Comments are closed.