ମୋଦିଙ୍କୁ କଡା ଜବାବ ଦେଲେ ଖଡଗେ; କହିଲେ, ‘ବିଜେପିର ଅର୍ଥ ବିଶ୍ବାସଘାତକତା ଏବଂ ଜୁମଲା’

ନୂଆଦିଲ୍ଲୀ: ଖଡଗେଙ୍କ ଗ୍ୟାରେଣ୍ଟି ବୟାନ ଉପରେ ପ୍ରଧାନମନ୍ତ୍ରୀ ମୋଦିଙ୍କ ମନ୍ତବ୍ୟ ପରେ ବିଜେପି ଆଉ କଂଗ୍ରେସ ଭିତରେ ତେଜିଛି ବାକ୍ ଯୁଦ୍ଧ । କର୍ଣ୍ଣାଟକ ନିର୍ବାଚନରେ ପ୍ରତିଶ୍ରୁତିକୁ ନେଇ ମୋଦି ତାଙ୍କ ଏକ୍ସ ହ୍ୟାଣ୍ଡେଲରେ କଂଗ୍ରେସକୁ ତାତ୍ସଲ୍ୟ କରି କହିବା ପରେ ଏହାର କଡା ଜବାବ ରଖିଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ । ବିଜେପି ଲୋକଙ୍କୁ ବାଟବଣା କରୁଛି । ବିଜେପୀର ୧୦୦ ଦିନର ପ୍ରତିଶ୍ରୁତି, ଗୋଟିଏ ଶସ୍ତା ପିଆର୍ ଷ୍ଟଣ୍ଟ ବୋଲି କହିଛନ୍ତି ଖଡଗେ ।

ତେବେ କଂଗ୍ରେସ ସଭାପତି ଖଡଗେ କର୍ଣ୍ଣାଟକ ନିର୍ବାଚନରେ ବିଭିନ୍ନ ପ୍ରତିଶ୍ରୁତି ନେଇ ନିଜ ନେତାଙ୍କ ଉପରେ ବର୍ଷିଥିଲେ । କର୍ଣ୍ଣାଟକ ଉପମୁଖ୍ୟମନ୍ତ୍ରୀ ଡିକେ ଶିବକୁମାର ନିର୍ବାଚନ ପ୍ରତିଶ୍ରୁତି ଗୁଡିକୁ ପୁଣି ଥରେ ରିଭ୍ୟୁ କରାଯିବ ବୋଲି ପରାମର୍ଶ ଦେବା ପରେ ଏହାକୁ ସେ କହିଥିଲେ, ଯେତିକି ଦେଇପାରିବ, ସେତିକି କୁହ । ଦଳକୁ ଦେବାଳିଆ କରିବା ନିର୍ବାଚନ ପ୍ରତିଶ୍ରୁତିର ଆଧାର ନୁହେଁ । ଯାହାକୁ ନେଇ ନିଜ ଏକ୍ସ ହ୍ୟାଣ୍ଡେଲରେ କଂଗ୍ରେସକୁ ତାତ୍ସଲ୍ୟ କରିଥିଲେ ପ୍ରଧାନମନ୍ତ୍ରୀ ମୋଦି । ମୋଦି ଲେଖିଥିଲେ, କଂଗ୍ରେସ ଧିରେ ଧିରେ ବୁଝି ପାରୁଛି ଯେ ଅବସ୍ତାବ ପ୍ରତିଶ୍ରୁତି ଦେଇଦେବା ସହଜ, ହେଲେ ତାକୁ ବାସ୍ତବରେ ପୂରଣ କରିବା କାଠିକାର ପାଠ ଏବଂ ଅସମ୍ଭବ । ଖାଲି ରାଲି ଉପରେ ରାଲି କରି ଲୋକଙ୍କୁ ପ୍ରତିଶ୍ରୁତି ଦେଉଛି କଂଗ୍ରେସ, ହେଲେ ଏକଥା ବି ଜାଣିଛି ଯେ ସେମାନେ କେବେବି ସେଗୁଡିକୁ ପୂରଣ କରିପାରିବେ ନାହିଁ । ଏବେ ସେମାନଙ୍କ ମୁଖା ଲୋକଙ୍କ ଆଗରେ ଖୋଲି ଯାଇଛି ବୋଲି ମୋଦି କହିଥିଲେ ।

The Congress Party is realising the hard way that making unreal promises is easy but implementing them properly is tough or impossible. Campaign after campaign they promise things to the people, which they also know they will never be able to deliver. Now, they stand badly…

— Narendra Modi (@narendramodi) November 1, 2024

ଯାହାକୁ ରିଟ୍ବିଟ୍ କରି ଖଡଗେ ଲେଖିଛନ୍ତି, ମିଥ୍ୟା, ପ୍ରତାରଣା, ଜାଲିଆତି, ଲୁଟ୍ ଏବଂ ପ୍ରଚାର କେନ୍ଦ୍ରରେ ଏନଡିଏ ସରକାରଙ୍କ ବୈଶିଷ୍ଟ୍ୟକୁ ବ୍ୟାଖ୍ୟା କରେ । ଏନଡିଏ ସରକାରଙ୍କ ୧୦୦ ଦିନର ପ୍ରତିଶ୍ରୁତି ଏକ ଶସ୍ତା ପିଆର ଷ୍ଟଣ୍ଟ ବୋଲି କହିଛନ୍ତି ଖଡଗେ । ବିଜେପିରେ ବି ଏବଂ ଜେର ଅର୍ଥ ହେଉଛି ବିଶ୍ବାସଘାତକତା ଏବଂ ଜୁମଲା ସରକାର । ଏଥିସହିତ ସେ ଅଭିଯୋଗ ମଧ୍ୟ କରିଛନ୍ତି ଯେ, କ୍ଷମତାକୁ ଆସିବା ପରେ ବିଜେପି କଥା ଦେଇ କଥା ରଖିନାହିଁ । ବିଜେପି ପ୍ରତିଶ୍ରୁତି ଦେଇ ୭ ଥର ପଛଘୁଞ୍ଚା ଦେଇଛି । ଭଲ ଦିନ, ୨ କୋଟି ନିଯୁକ୍ତି, ବିକଶିତ ଭାରତ ଭଳି ପ୍ରସଙ୍ଗ ନେଇ ବିଜେପି ଉପରକୁ ଆଙ୍ଗୁଳି ଉଠାଇଛନ୍ତି ଖଡଗେ । ଏସବୁ ମୋଦି ଗ୍ୟାରେଣ୍ଟି ପୂରଣ କରିବାରେ ଫେଲ୍ ମାରିଛନ୍ତି କେନ୍ଦ୍ର ସରକାର । ମୋଦି ଗ୍ୟାରେଣ୍ଟି ୧୪୦ କୋଟି ଭାରତୀୟଙ୍କ ପ୍ରତି ଏକ ନିଷ୍ଠୁର ପରିହାସ ବୋଲି କଟାକ୍ଷ କରିଛନ୍ତି ଖଡଗେ ।

.@narendramodi ji,

Lies, Deceit, Fakery, Loot & Publicity are the 5 adjectives which best describe your Govt!

Your drumbeating regarding a 100-day plan was a cheap PR stunt!

On May 16, 2024 you had also claimed that you took inputs from more than 20 lakh people for the road…

— Mallikarjun Kharge (@kharge) November 1, 2024