ନୂଆଦିଲ୍ଲୀ: କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଛନ୍ତି । ସେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ତ ପୂର୍ବ ଗ୍ୟାରେଣ୍ଟି ପୂରଣ କରିପାରିଲେନାହିଁ, କିନ୍ତୁ ବର୍ତ୍ତମାନ ସେ ଚାରିଆଡେ ଡିଣ୍ଡିମ ପିଟୁଛନ୍ତି ।
ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ ରେ ମଲ୍ଲିକାର୍ଜୁନ ଖଡଗେ ଲେଖିଛନ୍ତି ଯେ, ଲୋକସଭା ନିର୍ବାଚନରେ ଦେଶବାସୀ ଏପରି ଯବାବ ଦେଲେ ଯେ, ମୋଦି ସରକାରକୁ ଅନ୍ୟ ଘରୁ ଚୌକି ଉଦ୍ଧାର ଆଣି ନିଜ ସତ୍ତା ର ଘର ସମ୍ଭାଳିବାକୁ ପଡୁଛି । ସେ ଆହୁରି ମଧ୍ୟ କହିଛନ୍ତି ଯେ, ଜୁଲାଇ ୧୭, ୨୦୨୦ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶକୁ ମୋଦିଙ୍କ ଗ୍ୟାରେଣ୍ଟି ଦେଇଛନ୍ତି ଯେ, ୨୦୨୨ ସୁଦ୍ଧା ପ୍ରତ୍ୟେକ ଭାରତୀୟଙ୍କ ମୁଣ୍ଡ ଉପରେ ଛାତ ରହିବ । ହେଲେ ଏହି ଗ୍ୟାରେଣ୍ଟି ତ କାମ ପୂରଣ ହୋଇପାରିଲାନାହିଁ ।
ଖଡଗେ କହିଛନ୍ତି ଯେ, ବର୍ତ୍ତମାନ ୩ କୋଟି ଘର ଯୋଗାଇଦେବାକୁ କହୁଛନ୍ତି, ଯେପରି ପୂର୍ବ ଗ୍ୟାରେଣ୍ଟି ପୂରଣ ହୋଇଯାଇଛି । ଦେଶବାସୀ ବାସ୍ତବତା ଜାଣନ୍ତି ବୋଲି ଖଡଗେ କହିଛନ୍ତି ।
लोकसभा चुनाव में देश ने ऐसा जवाब दिया कि मोदी सरकार को दूसरों के घरों से कुर्सियां उधार लेकर अपना सत्ता का "घर" संभालना पड़ रहा है।
17 जुलाई 2020 को प्रधानमंत्री जी ने देश को "मोदी की गारंटी" दी थी कि 2022 तक हर भारतीय के सिर पर छत होगी।
ये "गारंटी" तो खोखली निकली !
अब 3 करोड़…
— Mallikarjun Kharge (@kharge) June 11, 2024
ଖଡଗେ ଆହୁରି କହିଛନ୍ତି ଯେ, ଏହି ୩ କୋଟି ଘର ପାଇଁ ଏଥର କୌଣସି ସମୟ ସୀମା ଧାର୍ଯ୍ୟ କରାଯାଇ ନାହିଁ । କାରଣ ବିଜେପି ଗତ ୧୦ ବର୍ଷ ମଧ୍ୟରେ କଂଗ୍ରେସ-ୟୁପିଏ ତୁଳନାରେ ୧.୨ କୋଟି କମ୍ ଘର ନିର୍ମାଣ କରିଛି । କଂଗ୍ରେସ ୪.୫ କୋଟି ଘର ନିର୍ମାଣ କରିଛି । ଏଥି ସହିତ ବିଜେପି ୨୦୧୪ ରୁ ୨୦୨୪ ମଧ୍ୟରେ କେବଳ ୩.୩ କୋଟି ଘର ନିର୍ମାଣ କରିବାରେ ସକ୍ଷମ ହୋଇଥିଲା ।
Comments are closed.