ନୂଆଦିଲ୍ଲୀ: କିନ୍ନର ଆଖଡ଼ାର ମହାମଣ୍ଡଳେଶ୍ୱର ପଦବୀରୁ ଇସ୍ତଫା ଦେଲେ ମମତା କୁଲକର୍ଣ୍ଣୀ । ସେ ତାଙ୍କ ଚିଠିରେ ଲେଖିଛନ୍ତି, ‘ମୁଁ ମମତା ମୁକୁନ୍ଦ କୁଲକର୍ଣ୍ଣି, ସମ୍ପୂର୍ଣ୍ଣ ସୁସ୍ଥ ମାନସିକ ସ୍ଥିତିରେ ଅଛି। ମୁଁ ଜାନୁଆରୀ ୨୭, ୨୦୨୬ରେ କିନ୍ନର ଆଖଡ଼ାର ମହା ମଣ୍ଡଳେଶ୍ୱର ପଦବୀରୁ ଇସ୍ତଫା ଦେଉଛି। ମୋର ଡକ୍ଟର ଆଚାର୍ଯ୍ୟ ଲକ୍ଷ୍ମୀ ନାରାୟଣ ତ୍ରିପାଠୀଙ୍କ ସହିତ କୌଣସି ବିବାଦ ନାହିଁ । ତାଙ୍କ ପ୍ରତି ମୋର ପ୍ରେମ ଏବଂ ସମ୍ମାନ ରହିଛି । ମୋର ଆଧ୍ୟାତ୍ମିକ ଜ୍ଞାନ ଜେ. କୃଷ୍ଣମୂର୍ତ୍ତିଙ୍କ ପରି ପ୍ରବାହିତ ହେବ। ସତ୍ୟକୁ ପୋଷାକ କିମ୍ବା ମୂର୍ତ୍ତିର ଆବଶ୍ୟକତା ନାହିଁ।’
ସେ ଆହୁରି ଲେଖିଛନ୍ତି, ‘ମୋର ଗୁରୁ ଶ୍ରୀ ଚୈତନ୍ୟ ଗଗନଗିରି ନାଥ କୌଣସି ପଦବୀ ଗ୍ରହଣ କରିନଥିଲେ। ମୁଁ ୨୫ ବର୍ଷ ଧରି ଏକ ଆଧ୍ୟାତ୍ମିକ ଜୀବନଯାପନ କରିଥିଲି। ମୁଁ ପୂର୍ବ ପରି ଅଭ୍ୟାସ କରିବି, ଅନ୍ତର୍ମୁଖୀ ରହିବି। ଯେତେବେଳେ ଆବଶ୍ୟକ ହେବ, ମୁଁ କୌଣସି ଦଳ କିମ୍ବା କୌଣସି ନିର୍ଦ୍ଦିଷ୍ଟ ଗୋଷ୍ଠୀ କିମ୍ବା ସମାନ ଚିନ୍ତାଧାରା ଥିବା ଲୋକଙ୍କ ସହିତ ମୋର ଜ୍ଞାନ ବାଣ୍ଟିବି।’
ସୂଚନାଯୋଗ୍ୟ, ଗତ ବର୍ଷ ମହାକୁମ୍ଭ ସମୟରେ, କିନ୍ନର ଆଖଡ଼ା ତାଙ୍କୁ ମହାମଣ୍ଡଳେଶ୍ୱର ଉପାଧି ପ୍ରଦାନ କରିଥିଲା ଏବଂ ତାଙ୍କୁ ଶ୍ରୀ ଯମାୟୀ ମମତା ନନ୍ଦ ଗିରି ନାମ ଦେଇଥିଲା । ପ୍ରୟାଗରାଜ ମାଘ ମେଳାରେ ଶଙ୍କରାଚାର୍ଯ୍ୟ ସ୍ୱାମୀ ଅଭିମୁକ୍ତେଶ୍ୱରାନନ୍ଦଙ୍କ ବିଷୟରେ ବୟାନ ଦେବା ପାଇଁ ମମତା କୁଲକର୍ଣ୍ଣୀଙ୍କୁ କିନ୍ନର ଆଖଡ଼ାରୁ ବହିଷ୍କାର କରାଯାଇଥିଲା । ତାଙ୍କ ଇସ୍ତଫାପତ୍ରରେ ସେ ଉଲ୍ଲେଖ କରିଛନ୍ତି ଯେ, ସେ ପଦବୀ ବିନା ମଧ୍ୟ ତାଙ୍କର ଧାର୍ମିକ ଜୀବନଯାପନ ଜାରି ରଖିବେ ।