ନୂଆପଡ଼ା : ସୋସିଆଲ ମିଡିଆରେ ଭାଇରାଲ ହେଉଛି ଖବର। ତା ପୁଣି ପାଣି ପାଇଁ ଯୁବକଙ୍କ ଆତ୍ମାହୂତି ଉଦ୍ୟମର ଦୃଶ୍ୟ। ମୋବାଇଲ ଟାୱାର ଚଢି ଆତ୍ମହତ୍ୟା ଧମକ ଦେଉଛନ୍ତି ଜଣେ ଯୁବକ । ତା ପୁଣି ପାଣି ସମସ୍ୟା ନେଇ। ଏହି ଦୃଶ୍ୟ ହେଉଛି ଖଡ଼ିଆଳ ଘରଧରା ଗାଁରେ।
ଗାଁରେ ମୁଖ୍ୟ ସମସ୍ୟା ପାଲଟିଛି ପାଣି । ଲୋକେ ପିଇବା ପାଣି ମୁନ୍ଦାଏ ପାଇଁ ବର୍ଷ ବର୍ଷ ଧରି ବିଭିନ୍ନ ସମସ୍ୟା ଭୋଗୁଛନ୍ତି । ହେଲେ ସେମାନଙ୍କ ସମସ୍ୟା ଶୁଣିବାକୁ ଯେମିତି କାହା ପାଖରେ ସମୟ ନାହିଁ। ନିକଟରେ ଥିବା ଅଙ୍ଗନୱାଡିରୁ ପାଣି ଅଣାଯାଉଥିବା ବେଳେ ଅଧିକାଂଶ ସମୟ ସେମାନେ ତାଲା ପକାଇ ଦେଉଛନ୍ତି।
ପାଣି ସମସ୍ୟା ଦୂର କରିବାକୁ ବହୁବାର ଅଭିଯୋଗ କରିଥିଲେ ବି କୌଣସି ପ୍ରକାରର ସମାଧାନ ହୋଇପାରିନି। ଯାହାର ବିରୋଧ କରିବା ସହିତ ଅଭିନବ ଢଙ୍ଗରେ ପ୍ରତିବାଦ କରିଛନ୍ତି ଜଣେ ସ୍ଥାନୀୟ ଯୁବକ।
ଯୁବକ ଜଣକ ଟାୱାର ଉପରେ ଚଢି ଯାଇ ଅଭିନବ ଢଙ୍ଗରେ ପ୍ରତିବାଦ କରିଛନ୍ତି। ଏହି ଘଟଣାକୁ ଶହ ଶହ ଲୋକ ଦେଖୁଥିବା ବେଳେ ଭିଡ଼ିଓଟି ମଧ୍ୟ ଭାଇରାଲ ହେବାରେ ଲାଗିଛି । ସେହିଭଳି ଅଗ୍ନିଶମ ବାହିନୀ ପହଂଚି ଯୁବକ ଜଣଙ୍କୁ ବୁଝା ସୁଝା କରିବା ସହିତ ତଳକୁ ଓହ୍ଲାଇଛନ୍ତି।
Comments are closed.