ଦିଲ୍ଲୀରେ ଶ୍ରଦ୍ଧା ହତ୍ୟା ଘଟଣାର ପୁନରାବୃତ୍ତି : ଲିଭ୍ ଇନ୍ ପାର୍ଟନରକୁ ହତ୍ୟା କରି ଫ୍ରିଜରେ ରଖିଲେ ପ୍ରେମିକ

ନୂଆଦିଲ୍ଲୀ: ଦିଲ୍ଲୀରେ ପୁଣି ଏକ ବିଭତ୍ସ ହତ୍ୟା ।  ଶ୍ରଦ୍ଧା ହତ୍ୟା ଘଟଣାର ହେଲା ପୁନରାବୃତ୍ତି  । ବାହାଘର ଦିନ ପ୍ରେମିକାକୁ ମାରି ଫ୍ରିଜରେ ରଖିଲା ପ୍ରେମିକ  । ପ୍ରେମିକାକୁ ମାରିବା ପରେ ଅନ୍ୟ ଜଣେ ଯୁବତୀଙ୍କୁ ବିବାହ କଲା ୨୪ ବର୍ଷୀୟ ପ୍ରେମିକ ସାହିଲ ଗେହଲଟ । ସାହିଲଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ।

ନଜଫଗଡ୍‌ ମିତ୍ରୋନ୍‌ ଗାଁରେ ଘଟିଛି ଶ୍ରଦ୍ଧାପୁନୱାଲ ହତ୍ୟାକାଣ୍ଡର ପୁନରାବୃତ୍ତି  ।ସାହିଲ ପ୍ରେମିକା ନିକ୍କି ଯାଦବଙ୍କ ସହ ଦୀର୍ଘବର୍ଷ ହେବ ଏକାଠି ରହୁଥିଲେ  । ହେଲେ ସାହିଲଙ୍କ ପରିବାର ଏହି ବିବାହକୁ ବିରୋଧ କରିବା ସହ ଅନ୍ୟତ୍ର ବାହାଘର ଠିକ କରିଥିଲେ  । ଫେବ୍ରୁଆରୀ ୯ରେ ସାହିଲଙ୍କ ବାହାଘର ଅନ୍ୟତ୍ର ଠିକ ହୋଇଥିଲା । ଖବର ପାଇ ୯ ତାରିଖରେ ନିକ୍କି ସାହିଲଙ୍କ ପାଖରେ ପହଞ୍ଚିଥିଲେ  । ଏହି ବିବାହକୁ ନିକ୍କି ବିରୋଧ କରିବାରୁ ସାହିଲ ମୋବାଇଲ କେବୁଲରେ ତଣ୍ଟିଚିପି ତାଙ୍କୁ ହତ୍ୟା କରିଥିଲା  । ହତ୍ୟା କରିବା ପରେ ନିଜ ଢାବାରେ ଥିବା ଫ୍ରିଜ୍‌ରେ ମୃତଦେହକୁ ଲୁଚାଇ ରଖିଥିଲା ।

ପୁଲିସ ମଙ୍ଗଳବାର ଢାବାରେ ପହଞ୍ଚି ଫ୍ରିଜରୁ ମହିଳାଙ୍କ ଶରୀରର କଟାଖଣ୍ଡ ସବୁ ଉଦ୍ଧାର କରିଛି ।