ନୂଆଦିଲ୍ଲୀ: ହଜିଗଲା ମାନବିକତା । ପୁଣି ସାମ୍ନାକୁ ଆସିଲା ଲଜ୍ଜାଜନକ ଘଟଣା । ମଣିଷ ଗୋଟିଏ ପରେ ଗୋଟିଏ ଜଘନ୍ୟ କାଣ୍ଡ କରିଚାଲିଛି । ପ୍ରତିଦିନ ପ୍ରତିଦିନ କେଉଁଠି ନା କେଉଁଠି ମହିଳାଙ୍କୁ ଦୁଷ୍କର୍ମ କରାଯାଇଥିବା ଖବର ସାମ୍ନାକୁ ଆସୁଥିବା ବେଳେ ଏବେ ପଶୁଙ୍କୁ ଦୁଷ୍କର୍ମ କରିବାକୁ ପଛାଉ ନାହାନ୍ତି କିଛି ଅମାନୁଷିକ ବ୍ୟକ୍ତି ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓଟିକୁ ଯିଏ ଦେଖିବ ସେ ଘୃଣା ନକରି ରହିପାରିବନି । ଏହି ଘଟଣା ଦିଲ୍ଲୀର ହରିନଗର ଅଞ୍ଚଳର । ଜଣେ ବ୍ୟକ୍ତି ଏକ ବୁଲା କୁକୁର ସହ ଦୁଷ୍କର୍ମ କରୁଥିବାର ଦୃଶ୍ୟ ଦେଖିବାକୁ ମିଳିଛି । ଭିଡିଓଟି ସୋସିଆଲ ମିଡିଆରେ ଭାଇରାଲ ହେଉଛି । ଏହାକୁ ନେଇ ପଶୁପ୍ରେମୀ ଓ ପଶୁକର୍ମୀ ଅସନ୍ତୋଷ ପ୍ରକାଶ କରିଛନ୍ତି।
ସୋସିଆଲ ମିଡିଆରେ ସେୟାର ହେବା ପରେ ୟୁଜର୍ସମାନେ ବିଭିନ୍ନ ପ୍ରତିକ୍ରିୟା ଦେଇଥାଆନ୍ତି । କେହି କେହି ପଶୁ ଉପରେ ଅତ୍ୟାଚାର କହୁଥିବା ବେଳେ ଏହା ଏକ ଘୃଣ୍ୟ କାର୍ଯ୍ୟ ବୋଲି କହିଛନ୍ତି । ଭିଡିଓକୁ ଆଧାର କରି ପୋଲିସ ଏକ ମାମଲା ରୁଜୁ କରିବା ସହ ତଦନ୍ତ ଜାରି ରଖିଛି । ବର୍ତ୍ତମାନ ସୁଦ୍ଧା ଅଭିଯୁକ୍ତକୁ ଧରିବାରେ ସଫଳ ହୋଇ ନାହିଁ ।ଏହି ଘଟଣାର ତଦନ୍ତ କରି ତୁରନ୍ତ କାର୍ଯ୍ୟନୁଷ୍ଠାନ ନେବା ପାଇଁ ପୋଲିସକୁ ନିର୍ଦ୍ଦେଶ ଦିଆଯାଇଥିବା ଜଣାଯାଇଛି ।
ସୂଚନା ଥାଉ କି, ଗତବର୍ଷ ଅଗଷ୍ଟ ମାସରେ ମହାରାଷ୍ଟ୍ର ପୁଣେରେ କୁକୁରକୁ ଦୁଷ୍କର୍ମ ହୋଇଥିବା ଖବର ସାମ୍ନାକୁ ଆସିଥିଲା । ଜଣେ ବୃଦ୍ଧଙ୍କ ବିରୋଧରେ ଥାନାରେ ମାମଲା ରୁଜୁ ହୋଇଥିଲା । ଏହି ଘଟଣା ଜଣାପଡିବା ପରେ ବୃଦ୍ଧଙ୍କ ଏପରି ଘୃଣ୍ୟ ମାନସିକତାକୁ ସ୍ଥାନୀୟ ଲୋକେ ନିନ୍ଦା କରିଥିଲେ । ବୃଦ୍ଧ ଜଣକ କୁକୁରକୁ ନିଜ ଘରକୁ ଖାଦ୍ୟ ଦେବା ବାହାନାରେ ପାଖକୁ ଡାକି ନେଇ ଦୁଷ୍କର୍ମ କରୁଥିବା ପଡୋଶୀ ଦେଖିଥିଲେ । ପରେ ପଡୋଶୀ ଜଣଙ୍କ ମୋବାଇଲରେ ଏହି ଦୃଶ୍ୟକୁ କଏଦ କରିଥିଲେ । ଥାନାରେ ଅଭିଯୋଗ ପରେ ଶେଷରେ ବୃଦ୍ଧ ଜଣଙ୍କୁ ଗିରଫ କରିଥିଲା ପୋଲିସ ।
Comments are closed.