ଭୁବନେଶ୍ବର: ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରରୁ ବହୁ ମୂଲ୍ୟର ଗଞ୍ଜେଇ ଜବତ ହୋଇଛି । ଦୁଇ ଜଣ ଭାରତୀୟ ମହିଳାଙ୍କ ନିକଟରୁ ୧୯ଟି ଗଞ୍ଜେଇ ପ୍ୟାକେଟ୍ ଜବତ ହୋଇଛି । ଯାହାର ଆନୁମାନିକ ମୂଲ୍ୟ ୧୦ କୋଟି ଟଙ୍କା ହେବ ବୋଲି ବିଭାଗୀୟ ଅଧିକାରୀ ସୂଚନା ଦେଇଛନ୍ତି ।
ଖବର ମୁତାବକ, ଗତ ୪ ତାରିଖରେ କ୍ବାଲାଲାମପୁରରୁ ଏହି ଦୁଇ ମହିଳା ଭାରତ ଆସିଥିଲେ । ହେଲେ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନ ବନ୍ଦରରେ ଚେକିଂ ସମୟରେ ସେମାନଙ୍କ ନିକଟରୁ ୯ କେଜି ୫୨୪ ଗ୍ରାମ ଅର୍ଥାତ୍ ୧୯ଟି ପ୍ୟାକେଟ୍ ଗଞ୍ଜେଇ ଜବତ କରିଥିଲା କଷ୍ଟମ ବିଭାଗ ।
ଉଭୟ ଯାତ୍ରୀଙ୍କୁ ଏନଡିପିଏସ୍ ଆକ୍ଟ ୧୯୮୫ ଅନୁସାରେ ଗିରଫ କରି କୋର୍ଟ ପଠାଯାଇଛି କଷ୍ଟମ ବିଭାଗ । ଏନେଇ ଅଧିକ ଖୋଳତାଡ ଜାରି ରହିଛି ।