ମାଡ୍ରାସ: ତାମିଲନାଡୁର ରାଜଗୋପାଳସ୍ୱାମୀ ମନ୍ଦିରରେ ଥିବା ଗୋଟିଏ ହାତୀ ଏବେ ସୋସିଆଲ ମିଡିଆରେ ବେଶ୍ ଲୋକପ୍ରିୟ ହୋଇଛି । ଏହି ହାତୀର ନାମ ବବ୍ କଟ ସେଙ୍ଗାମାଲାମ । ହାତୀଟି ଲୋକପ୍ରିୟ ହେବାର ମୁଖ୍ୟ କାରଣ ହେଲା ଏହାର ହେୟାର ଷ୍ଟାଇଲ । ଆଇଏଏସ ସୁଧା ରମଣ ହାତୀର ଫଟୋ ଶେୟାର କରିବା ପରେ ଏହା ଭାଇରାଲ ହୋଇଥିଲା । ଏହାର ମାହୁନ୍ତ ରାଜଗୋପାଳଙ୍କ ମତରେ ହାତୀ ମୋର ନିଜର ସନ୍ତାନ ପରି । ଖାଇବା, ପିଇବାଠାରୁ ଆରମ୍ଭ କରି ଗାଧେଇବା ପାଇଁ ସ୍ୱତନ୍ତ୍ର ବ୍ୟବସ୍ଥା କରିଛି ।
୪୫ ହଜାର ଟଙ୍କାର ସାୱାର ହାତୀର ଗାଧେଇବା ପାଇଁ ଲଗାଯାଇଛି । ଦିନକୁ ୩ ଥର ମୁଁ ସେଙ୍ଗମାଲାମର ଚୁଟି ସଫା କରିଥାଏ ବୋଲି ସେ କହିଛନ୍ତି । ୨୦୦୩ରେ କେରଳରୁ ରାଜଗୋପାଳସ୍ୱାମୀ ମନ୍ଦିରକୁ ଅଣାଯାଇଥିଲା । ଏବେ ସେ ଆମ ପରିବାର ସଦସ୍ୟ । ଅନ୍ୟ ହାତୀ ପରି ଆମେ ସେଙ୍ଗମାଲାମକୁ ପ୍ରାୟତଃ ବାନ୍ଧି ନ ଥାଏ । ସେ ମନ୍ଦିର ଚାରିପଟେ ମୁକ୍ତ ଭାବେ ବୁଲିଥାଏ ବୋଲୀ ରାଜଗୋପାଳ କହିଛନ୍ତି ।
Comments are closed.