ପୁରୀ: ଆସନ୍ତାକାଲି ଶ୍ରୀମନ୍ଦିର ପରିସରରେ ହେବ ମହାପ୍ରଭୁଙ୍କ ଚନ୍ଦନଯାତ୍ରା ଓ ଅକ୍ଷୟ ତୃତୀୟା ନୀତି । ଶ୍ରୀମନ୍ଦିର ଭିତରେ ଅସ୍ଥାୟୀ କୁଣ୍ଡ କରାଯାଇ ମହାପ୍ରଭୁଙ୍କ ୨୧ ଦିନ ବ୍ୟାପୀ ଚନ୍ଦନ ଯାତ୍ରା ଅନୁଷ୍ଠିତ ହେବ । ନୌକା ବିହାର ଛାଡି ବାହାର ଚନ୍ଦନ ଯାତ୍ରାର ସମସ୍ତ ବିଧି ପାଳିତ ହେବ ।
ସାମାଜିକ ଦୂରତା ରକ୍ଷା କରି ପଂଚ ମହାଦେବ କମିଟିର ମାତ୍ରା ୧୦ ଜଣ ସେବାୟତ ଉପସ୍ଥିତ ରହିବେ । ଜିଲ୍ଲାପାଳଙ୍କ କାର୍ଯ୍ୟାଳୟରେ ଆଜି ବସିଥିବା ବୈଠକ ପରେ ପଂଚ ମହାଦେବ କମିଟି ଏନେଇ ସହମତି ପ୍ରକାଶ କରିଛି । ବିମାନବଡୁ ସେବାୟତମାନେ ମଧ୍ୟ ସହଯୋଗ କରିବା ପାଇଁ ସହମତି ପ୍ରକାଶ କରିଛନ୍ତି ।
ତେବେ କେଉଁ ସ୍ଥାନରେ ଅସ୍ଥାୟୀ କୁଣ୍ଡ କରାଯିବ ସେନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ ମନ୍ଦିର ଭିତରେ ମାପଚୁପ କରାଯାଇଛି । ସେହିପରି ଶ୍ରୀମନ୍ଦିର ଭିତରେ ଚାହାଁଣିମଣ୍ଡପ ଓ ସ୍ନାନମଣ୍ଡପ ସ୍ଥଳରେ ପୂଜାପଣ୍ଡା ସାମନ୍ତମାନେ ଆଜ୍ଞାମାଳ ପ୍ରଦାନ କରିବେ । ଆସନ୍ତାକାଲି ପବିତ୍ର ଅକ୍ଷୟ ତୃତୀୟା ଅବସରରେ ବିଶ୍ୱ ପ୍ରସିଦ୍ଧ ରଥଯାତ୍ରା ପାଇଁ ରଥ ନିର୍ମାଣ ଲାଗି ଶୁଭ ଅନୁକୂଳ ହେବ । ଜିଲ୍ଲାପାଳଙ୍କ ସହ ଆଲୋଚନା ପରେ ପୂଜାପଣ୍ଡା ସେବାୟତମାନେ ଏନେଇ ସୂଚନା ଦେଇଛନ୍ତି ।
Comments are closed.