ଲକ୍‌ଡାଉନ ବଢ଼ାଇଲା ଦୁଃଖ, ସୁରଟରେ ରାସ୍ତାକୁ ଓହ୍ଲାଇଲେ ଶ୍ରମିକ

ଗୁଜୁରାଟ: କରୋନା ମୁକାବିଳା ପାଇଁ ଏପ୍ରିଲ ୧୪ ଯାଏଁ ସାରା ଦେଶରେ ତଲା ବନ୍ଦ ଜରି ରହିଛି । ଏହାରି ଭିତରେ ଗୁଜୁରାଟ ସୁରଟରେ ହଜାର ହଜାର ଶ୍ରମିକ ରାଜ ରାସ୍ତାକୁ ଓହ୍ଲାଇଛନ୍ତି । ସୁରଟରେ ହୀରାନଗରୀ ଅଂଚଳରେ ଦେଖିବାକୁ ମିଳିଛି ଏଭଳି ଦୃଶ୍ୟ । ଏଠାରେ ଶ୍ରମିକମାନେ ଘରକୁ ଫେରିବା ପାଇଁ ଦାବି କରିଛନ୍ତି । ଏପରିକି ପୋଲିସ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଛି। ଶ୍ରମିକ ଓ ପୋଲିସ ମୁହାଁମୁହିଁ ହୋଇଛନ୍ତି । କେବଳ ସେତିକି ନୁହେଁ ଶ୍ରମିକମାନେ ଜଳାପୋଡା ମଧ୍ୟ କରିଛନ୍ତି । ଫଳରେ ବାଧ୍ୟ ହୋଇ ପୋଲିସ ଅନେକ ଶ୍ରମିକଙ୍କୁ ଗିରଫ କରିଛି । ଏହାପରେ ମାମଲା ଥଣ୍ଡା ପଡିଛି ।
ସୂଚନା ଅନୁସାରେ ଲକଡାଉନ୍ ଯୋଗୁଁ ସୁରତରେ ଅଟକି ରହିଥିବା ଶହ ଶହ ପ୍ରବାସୀ ଶ୍ରମଜୀବୀ ଶୁକ୍ରବାର ରାତିରେ ଲକସାନା ଅଞ୍ଚଳରେ କେତେକ ଠେଲାଗାଡ଼ି ଏବଂ ପୁରୁଣା ଟାୟାର ପୋଡ଼ାପୋଡ଼ି କରିଥିଲେ। ଘଟଣା ପରେ ସମ୍ପୃକ୍ତ ଅଞ୍ଚଳରେ ବହୁସଂଖ୍ୟକ ପୁଲିସ କର୍ମଚାରୀଙ୍କୁ ମୁତୟନ କରାଯାଇଛି। ଏହାପରେ ପରିସ୍ଥିତି ନିୟନ୍ତ୍ରଣକୁ ଆସିଛି ।