ସୋର: ବାଲେଶ୍ୱର ଖଇରା ଓ ସୋରରେ ଥିବା ଦୁଇଟି ଏଟିଏମକୁ ଦୁର୍ବୃତ୍ତମାନେ ଟାର୍ଗେଟ କରି ବିପୁଳ ପରିମାଣର ନଗଦ ଟଙ୍କା ନେଇ ଫେରାର ହୋଇଯାଇଛନ୍ତି।
ଖଇରାର ତୁଡିଗଡିଆ ବଜାରରେ ପ୍ରଥମ ଡକାୟତି ଘଟିଥିଲା, ଯେଉଁଠାରେ ଅତି କମରେ ଛଅ ଜଣ ମୁଖାପିନ୍ଧା ଲୁଟେରା ଏକ ଆକ୍ସିସ ବ୍ୟାଙ୍କ ଏଟିଏମ ତାଡି ଲୁଟିନେଇଛନ୍ତି। ଗ୍ୟାସ କଟର ସାହାଯ୍ୟରେ ଏହି ଲୁଟପାଟ ହୋଇଛି। ଏପରିକି ଏକ ବିସ୍ଫୋରକ ଉପକରଣ ବ୍ୟବହାର କରି ଭଗ୍ନାବଶେଷ ଉଡାଇ ସ୍ଥାନୀୟ ବାସିନ୍ଦାଙ୍କ ମଧ୍ୟରେ ଆତଙ୍କ ସୃଷ୍ଟି କରିଛନ୍ତି।
ଏଟିଏମ୍ ରେ ପ୍ରାୟ ୨୦ ଲକ୍ଷ ଟଙ୍କା ନଗଦ ଥିବା ବେଳେ ଲୁଟେରାମାନେ ଏହାକୁ ଚୋରି କରି ନେଇଥିବା ପ୍ରତ୍ୟକ୍ଷଦର୍ଶୀମାନେ ସୂଚନା ଦେଇଛନ୍ତି।
ରାତି ପ୍ରାୟ ୨ଟା ବେଳେ ଏହି ଲୁଟ୍ ହୋଇଥିଲା। ଆମ ଅଞ୍ଚଳରେ ବ୍ୟାପକ ଅପରାଧିକ କାର୍ଯ୍ୟକଳାପ ଯୋଗୁଁ ଆମେ ଦିନରେ ମଧ୍ୟ ନିରନ୍ତର ଭୟରେ ରହୁଛୁ। ପୁଲିସ ପାଟ୍ରୋଲିଂ ସତ୍ତ୍ୱେ ଏହା ଯଥେଷ୍ଟ ନୁହେଁ ବୋଲି ମନେ ହେଉଛି, କହିଛନ୍ତି ଜଣେ ସ୍ଥାନୀୟ ବାସିନ୍ଦା।
ଦ୍ୱିତୀୟ ଘଟଣା ସୋରୋର ମଙ୍ଗଳପୁରସ୍ଥିତ ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନବି)ର ଏକ ଏଟିଏମରେ ଘଟିଛି, ଯେଉଁଠାରେ ଦୁର୍ବୃତ୍ତମାନେ ସମାନ ଉପାୟ ଅବଲମ୍ବନ କରିଛନ୍ତି। ସେମାନେ ଗ୍ୟାସ୍ କଟର ବ୍ୟବହାର କରି ଏଟିଏମ୍ କାଟି ଲକ୍ଷାଧିକ ଟଙ୍କା ଉଠାଇ ନେଇ ରାତିରେ ଛୁ ମାରିଛନ୍ତି। ଉଭୟ ଡକାୟତି ପଛରେ ସମାନ ଗୋଷ୍ଠୀର ଭୂମିକା ଥାଇପାରେ ବୋଲି ସନ୍ଦେହ କରି ପୁଲିସ କର୍ତ୍ତୃପକ୍ଷ ଉଭୟ ଘଟଣାର ତଦନ୍ତ ଆରମ୍ଭ କରିଛନ୍ତି।
Comments are closed.