ବାଲେଶ୍ୱର : ବାଲେଶ୍ୱର ଖଇରା ଥାନା ନିକଟସ୍ଥ ତୁରିଗଡ଼ିଆ ବଜାରରେ ଥିବା ଏକ ଆକ୍ସିସ ବ୍ୟାଙ୍କ ଏଟିଏମ୍ ରୁ କେହି ଅଜଣା ଦୁର୍ବୁତ୍ତ ଟଙ୍କା ଲୁଟ୍ କରିଥିବାର ଅଭିଯୋଗ ହୋଇଛି ।
ସକାଳେ ସ୍ଥାନୀୟ ଲୋକେ ଏଟିଏମ୍ ସଟର୍ ଭଙ୍ଗାଥିବା ଦେଖି ତୁରନ୍ତ ପୋଲିସକୁ ଜଣାଇଥିଲେ । ଏହି ଏଟିଏମ୍ ଟି ଗତ ୨ / ୩ ଦିନ ଧରି ବନ୍ଦ ରହିଥିଲା, ତେବେ ଏହାର ସୁଯୋଗ ନେଇ ଲୁଟ୍ ହୋଇଥିବାର ସ୍ଥାନୀୟ ଲୋକେ କହୁଛନ୍ତି ।
ତେବେ ଯାହାବି ହେଉ, ଏହି ଏଟିଏମ୍ ରୁ କେତେ ଟଙ୍କା ଲୁଟ୍ ହୋଇଛି ତାହା ବ୍ୟାଙ୍କ ଓ ପୋଲିସ ଜାଣିବାକୁ ଉଦ୍ୟମ କରୁଛନ୍ତି ।
ଘଟଣା ସମ୍ପର୍କରେ ଖବର ପାଇ ଖଇରା ଥାନା ପୋଲିସ ଲୁଟ୍ ର ତଦନ୍ତ ସହିତ ଛାନଭିନ ଆରମ୍ଭ କରିଦେଇଛି ।
ଏଠାରେ ସୂଚନାଯୋଗ୍ୟ ମେ ୪ ତାରିଖରେ ଜିଲ୍ଲାରେ ଏହିପରି ୨ଟି ଏଟିଏମ୍ ତାଡ଼ି ୩୬ ଲକ୍ଷ ଟଙ୍କା ଦୁର୍ବୃତ୍ତମାନେ ଲୁଟ କରିଥିଲେ ।
ଦୁର୍ବୃତ୍ତମାନେ ବାଲେଶ୍ୱର ଜିଲ୍ଲା ସୁନହଟର ଏକ ଏଟିଏମରୁ ୨୬ ଲକ୍ଷ ଓ ଆଇଟିଆଇ ଛକରେ ଥିବା ଏକ ଷ୍ଟେଟବ୍ୟାଙ୍କ ଏଟିଏମ ତାଡ଼ି ୧୦ ଲକ୍ଷ ଟଙ୍କା ଲୁଟି ନେଇଥିଲେ । ଲୁଟ୍ କରିବାପରେ ୨ଟି ଏଟିଏମ ମେସିନକୁ ଦୁର୍ବୃତ୍ତମାନେ ପୋଡ଼ି ଦେଇଥିବାର ଅଭିଯୋଗ ହୋଇଥିଲା ।