କରୋନା ପ୍ୟାକେଜ୍ ଭାବେ ପ୍ରତି ପରିବାରକୁ ୪ ହଜାର ଟଙ୍କା ଦେବେ ସରକାର

ଚେନ୍ନାଇ: ତାମିଲନାଡ଼ରୁ ମୁଖ୍ୟମନ୍ତ୍ରୀ ଭାବେ ଏମ.କେ ଷ୍ଟାଲିନ୍ ଆଜି ଶପଥ ନେଇଛନ୍ତି । ପ୍ରଥମଥର ମୁଖ୍ୟମନ୍ତ୍ରୀ ହୋଇଥିବା ଷ୍ଟାଲିନ୍ ଦାୟିତ୍ୱ ଗ୍ରହଣର ପ୍ରଥମ ଦିନରେ ନେଇଛନ୍ତି ଗୁରୁତ୍ୱପୂର୍ଣ୍ଣ ନିଷ୍ପତ୍ତି । ଦାୟିତ୍ୱ ଗ୍ରହଣ ପରେ ସେ ପ୍ରଥମେ କରୋନା ପାଇଁ ପ୍ୟାକେଜ୍ ଘୋଷଣା କରିଛନ୍ତି । ରାଜ୍ୟର ପ୍ରତି ପରିବାରକୁ ୪ ହଜାର ଟଙ୍କା ଲେଖାଏ ପ୍ରଦାନ ପାଇଁ ନିଷ୍ପତ୍ତି ନେଇଛନ୍ତି ।

Tamil Nadu Chief Minister MK Stalin has signed an order to provide Rs 4000 to each family as Corona relief.

First installment of Rs 2000 will be provided in the month of May.

— ANI (@ANI) May 7, 2021

ପ୍ରଥମ କିସ୍ତିରେ ୨ ହଜାର ଟଙ୍କା ପ୍ରତି ପରିବାରକୁ ଚଳିତ ମେ’ ମାସରେ ଦିଆଯିବ । ଏଥିସହ ଷ୍ଟାଲିନ୍ ସରକାର ଆଉ ଏକ ବଡ଼ ଘୋଷଣା କରିଛନ୍ତି । ରାଜ୍ୟ ବୀମା ନେଇଥିବା ସମସ୍ତ କର୍ମଚାରୀଙ୍କୁ ଘରୋଇ ହସ୍ପିଟାଲରେ କରୋନା ସମ୍ପର୍କିଚ ଚିକିତ୍ସା ଖର୍ଚ୍ଚ ସରକାର ବହନ କରିବେ ।

ଆଜି ଷ୍ଟାଲିନ୍ ମୁଖ୍ୟମନ୍ତ୍ରୀ ଭାବେ ଶପଥ ନେବା ସହ ମନ୍ତ୍ରିମଣ୍ଡଳର ୩୩ ସଦସ୍ୟ ଶପଥ ନେଇଛନ୍ତି । ୩୩ ସଦସ୍ୟଙ୍କ ମଧ୍ୟରୁ ୧୫ ଜଣ ପ୍ରଥମ ଥର ପାଇଁ ମନ୍ତ୍ରୀ ହୋଇଛନ୍ତି ।