୧୦.୫ କୋଟି ପାର କଲା ମୋଦିଙ୍କ ଇନଷ୍ଟାଗ୍ରାମ ଫଲୋଅର୍ସ ସଂଖ୍ୟା, GenZ ପ୍ରତିବାଦ ଉପରେ ତିଆରି କରିଥିଲେ ୨ଟି ଭିଡିଓ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଇନଷ୍ଟାଗ୍ରାମ ଫଲୋଅର୍ସଙ୍କ ସଂଖ୍ୟା ଏବେ ୧୦୫ ମିଲିୟନ ତଥା ୧୦.୫ କୋଟି ଅତିକ୍ରମ କରିଛି । ଏହା ବ୍ୟତୀତ, ଗତ ସପ୍ତାହରେ ସେ ୪ ଲକ୍ଷ ନୂତନ ଫଲୋଅର୍ସ ଯୋଡ଼ି ହୋଇଛନ୍ତି । ତାଙ୍କ ଫଲୋଅର୍ସ ସଂଖ୍ୟା, ଯାହା ଏକ ସପ୍ତାହ ପୂର୍ବେ ୧୦୧ ମିଲିୟନ ଥିଲା, ଏବେ ୧୦.୧ କୋଟି ଅତିକ୍ରମ କରିଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏପର୍ଯ୍ୟନ୍ତ ଇନଷ୍ଟାଗ୍ରାମରେ କେବଳ ୧,୪୫୨ ପୋଷ୍ଟ କରିଛନ୍ତି । ହେଲେ ମୋଦି ଇନଷ୍ଟାଗ୍ରାମରେ କାହାକୁ ଫଲୋ କରି ନାହାଁନ୍ତି । ସିଜେପି ପ୍ରତିବାଦ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କିଛି ଭିଡିଓ ପୋଷ୍ଟ କରିଥିଲେ, ଯାହା ରାତାରାତି ଭାଇରାଲ ହୋଇଥିଲା ।
ପୋଷ୍ଟ କରାଯାଇଥିବା ଏକ ଭିଡିଓରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଛାତ୍ରଛାତ୍ରୀମାନଙ୍କୁ କହିଛନ୍ତି ଯେ, ସେ ପେପର ଲିକ୍ ବିରୋଧରେ ଏକ କଠୋର ଆଇନ ପ୍ରଣୟନ କରୁଛନ୍ତି । ସେ ଏହା ମଧ୍ୟ କହିଛନ୍ତି ଯେ, ପେପର ଲିକ୍ ଏକ ପ୍ରମୁଖ ସମସ୍ୟା, ଏବଂ ସରକାର ଏହାକୁ ସମାଧାନ କରିବା ପାଇଁ ଗମ୍ଭୀରତାର ସହ ବିଚାର କରୁଛନ୍ତି । ନିକଟରେ CJP ପ୍ରତିବାଦ ଯୋଗୁଁ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶିକ୍ଷା ମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।
ପ୍ରଧାନମନ୍ତ୍ରୀ ମୋଦୀ ଜନ୍ତର ମନ୍ତରରେ GenZ-CJP ପ୍ରତିବାଦକୁ ସମ୍ବୋଧିତ କରି ଏକ ଭର୍ଟିକାଲ୍ ଭିଡିଓ ମଧ୍ୟ ତିଆରି କରିଥିଲେ । ଏହି ଭିଡିଓଟି ମଧ୍ୟ ବହୁ ସଂଖ୍ୟକ ଭ୍ୟୁ ପାଇଛି, ଏପରିକି ପ୍ରଧାନମନ୍ତ୍ରୀ ମୋଦିଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲରେ ଦ୍ୱିତୀୟ ସର୍ବାଧିକ ଦେଖାଯାଇଥିବା ରିଲ୍ ମଧ୍ୟ ହୋଇଛି ।