ଭୁବନେଶ୍ୱର: ରେଳ ବଜେଟ୍ରେ ଓଡ଼ିଶାକୁ ଅଣଦେଖା ପ୍ରସଙ୍ଗରେ ଆଜି ବଚସ୍ପତିଙ୍କ ଅଧ୍ୟକ୍ଷତାରେ ଗୃହ କମିଟର ବୈଠକ ବସିଥିଲା । ତେବେ ଏହି ବୈଠକରେ ରେଳ ଅନୁଦାନ ନେଇ ଆଲୋଚନା ଚାଲିଥିବା ବେଳେ ଏକ ଚକିତ କଲା ଭଳି ଦୃଶ୍ୟ ଦେଖିବାକୁ ମିଳିଥିଲା । ବୈଠକ ଅଧାରୁ ଉଠି ଆସିଥିଲେ ବିରୋଧୀ ଦଳ ମୁଖ୍ୟ ସଚେତକ ମୋହନ ମଝୀ । ବୈଠକରେ ଉପସ୍ଥିତ ଅଧିକାରୀ କୌଣସି ଉତ୍ତର ଦେଉନାହାନ୍ତି । ତେଣୁ ସେ କାଲି ରେଳ ମନ୍ତ୍ରୀଙ୍କୁ ଭେଟିବାକୁ ଯିବେନି ବୋଲି କ୍ଷୋଭର ସହ କହିଛନ୍ତି । ଅଫିସରଙ୍କ କଥାରେ ସେ ଅସନ୍ତୋଷ ପ୍ରକାଶ କରିବା ସହ ତାଙ୍କୁ ବୈଠକରେ ଅପମାନ କରାଯାଇଥିବା ସେ ଅଭିଯୋଗ କରିଛନ୍ତି ।
ସୂଚନାଯୋଗ୍ୟ ଯେ, ଆଜି ରେଳ ବଜେଟ୍ରେ ଓଡ଼ିଶାକୁ ଅଣଦେଖା ପ୍ରସଙ୍ଗରେ ବାଚସ୍ପତିଙ୍କ ଅଧ୍ୟକ୍ଷତାରେ ରେଳବାଇ ସମ୍ପର୍କିତ ଗୃହ କମିଟିର ବୈଠକ ଅନୁଷ୍ଠିତ ହୋଇଥିଲା । ଏଥିରେ ରେଳ ଅନୁଦାନ ନେଇ ଆଲୋଚନା ହୋଇଛି । ଆସନ୍ତାକାଲି କେନ୍ଦ୍ର ରେଳମନ୍ତ୍ରୀଙ୍କୁ ଭେଟି ଦାବି ଅବଗତ କରାଇବ ଗୃହ କମିଟି । ତେବେ କେଉଁ କେଉଁ ଦିଗ ନେଇ ଦାବି ରହିବ ସେ ନେଇ ଆଜିର ଏହି ବୈଠକରେ ନିଷ୍ପତ୍ତି ହୋଇଛି ।
Comments are closed.