କେନ୍ଦୁଝର : ପ୍ରସବ ଯନ୍ତ୍ରଣା ଭୋଗୁଥିବା ମାଈ ହାତୀର ମୃତ୍ୟୁ । କେନ୍ଦୁଝର ଜିଲ୍ଲା ଚମ୍ପୁଆ ରେଞ୍ଜ ଅନ୍ତର୍ଗତ କାଳିକା ପ୍ରସାଦ ସଂରକ୍ଷିତ ଜଙ୍ଗଲରେ ୧୫ ବର୍ଷୀୟ ମାଈ ହାତୀର ମୃତ୍ୟୁ ହୋଇଛି । ଦୁଇ ଦିନ ଧରି ପ୍ରସବ ବେଦନା ଯୋଗୁଁ ଜଙ୍ଗଲରେ ଘୁରି ବୁଲୁଥିଲା । ଗତକାଲି ଏହି ହାତୀକୁ ଅଚେତ୍ କରି ଭୁବନେଶ୍ବରରୁ ଯାଇଥିବା ବିଶେଷଜ୍ଞ ଦଳ ଅପରେସନ କରିଥିଲେ । ପରେ ଏକ ମୃତ ଛୁଆ ଜନ୍ମ ହୋଇଥିଲା । କିନ୍ତୁ ଏହା ପରେ ମାଈ ହାତୀଟି ଅସୁସ୍ଥ ହୋଇ ପଡ଼ିଥିଲା । ବନ୍ୟ ପ୍ରାଣୀ ଚିକିତ୍ସକଙ୍କ ଦ୍ବାରା ହାତୀଟି ଚିକିତ୍ସିତ ହେଉଥିବା ବେଳେ ଆଜି ସନ୍ଧ୍ୟାରେ ତାର ମୃତ୍ୟୁ ହୋଇଛି । ଘଟଣାସ୍ଥଳରେ ଡିଏଫଓ ଡି.ଡି ହନୁମତ, ଚମ୍ପୁଆ ରେଞ୍ଜର ସଂଜୀବ ରାଉତ ଉପସ୍ଥିତ ରହି ସ୍ଥିତି ଅନୁଧାନ କରିଛନ୍ତି । ମା’ ହାତୀର ମୃତ୍ୟୁକୁ ନେଇ ବନ୍ୟପ୍ରାଣୀ ପ୍ରେମୀ ଦୁଃଖ ପ୍ରକାଶ କରିଛନ୍ତି । ଠିକ୍ ସମୟରେ ହାତୀର ପ୍ରସବ କରାନଯିବାରୁ ତାର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତ୍ୟୁ ପରେ ହାତୀଟିକୁ ପୋତି ଦିଆଯାଇଛି ବୋଲି ସୂଚନା ଦେଇଛନ୍ତି ରେଞ୍ଜ ଅଧିକାରୀ ସଂଜୀବ ରାଉତ ।
Comments are closed.