ମୁମ୍ବାଇ: ଲୋକପ୍ରିୟ ରିଆଲିଟି ସୋ’ ‘ଏମଟିଭି ରୋଡିଜ୍ ୧୯ – କର୍ମ୍ ୟା କାଣ୍ଡ୍’ ଆଜିକାଲି ବହୁ ଚର୍ଚ୍ଚାରେ ରହିଛି। କାରଣ ଗ୍ୟାଙ୍ଗ ଲିଡର୍ସ ଏବଂ ମନୋନୀତ ରୋଡିଜ ଏହି ସୋ’ର ଚର୍ଚ୍ଚାବିନ୍ଦୁ ପାଲଟିଛନ୍ତି। ଟିଭିର ଲୋକପ୍ରିୟ ଷ୍ଟଣ୍ଟ୍ ବେସ୍ଡ ରିଆଲିଟି ସୋ ‘ଏମଟିଭି ରୋଡିଜ୍ ୧୯ – କର୍ମ୍ ୟା କାଣ୍ଡ୍’ ରେ ବିଶ୍ୱର ବିଭିନ୍ନ ସ୍ଥାନରୁ ଲୋକମାନେ ଆସି ନିଜର ପ୍ରତିଭା ପ୍ରଦର୍ଶନ କରନ୍ତି। ଏଥର ସୋ’ର ଗ୍ୟାଙ୍ଗ ଲିଡର୍ସ ହେଉଛନ୍ତି ପ୍ରିନ୍ସ ନରୁଲା, ଗୌତମ ଗୁଲାଟି, ରିୟା ଚକ୍ରବର୍ତ୍ତୀ ଏବଂ ସୋ’ର ହୋଷ୍ଟ ହେଉଛନ୍ତି ସୋନୁ ସୁଦ।
ସୋନୁ ସୁଦ ଏବଂ ଗ୍ୟାଙ୍ଗ ଲିଡର୍ସଙ୍କ ମଧ୍ୟରେ ଏକ ଭଲ ବନ୍ଧନ ଦେଖିବାକୁ ମିଳିଛି। ଦିନକୁ ଦିନ ‘ଏମଟିଭି ରୋଡିଜ୍ ୧୯’ ଅଧିକ ଆକର୍ଷଣୀୟ ହେଉଛି। ବର୍ତ୍ତମାନ ଏହି ସୋ’ର ଅଡିସନ୍ ଶେଷ ହୋଇଛି। ରିୟା ଚକ୍ରବର୍ତ୍ତୀ, ଗୌତମ ଗୁଲାଟି ଏବଂ ପ୍ରିନ୍ସ ନରୁଲା ମଧ୍ୟ ସେମାନଙ୍କ ଟମ ସମ୍ପର୍କରେ ଅପଡେଟ ଦେଇଛନ୍ତି। ତେବେ ଚଳିତ ଥର ଅଡିସନରେ ୩୦ ଜଣ ରୋଡିସ୍ ସିଲେକ୍ଟ ହୋଇଛନ୍ତି।
‘ଏମଟିଭି ରୋଡିଜ୍ ୧୯ – କର୍ମ୍ ୟା କାଣ୍ଡ୍’ (MTV Roadies 19 Karm Ya Kaand) ପ୍ରତ୍ୟେକ ଶନିବାର ଏବଂ ରବିବାର ସନ୍ଧ୍ୟା ୭ ଟାରେ ଏମଟିଭି ଏବଂ ଜିଓ ସିନେମାରେ ଜୁନ୍ ୩ ରୁ ପ୍ରସାରିତ ହେବାର କାର୍ଯ୍ୟକ୍ରମ ରହିଛି। ଏହି ଋତୁର ବିଷୟବସ୍ତୁ ହେଉଛି ‘କର୍ମ୍ ୟା କାଣ୍ଡ୍’। ଦର୍ଶକ ଏହି ସୋ’କୁ ବହୁତ ଆନନ୍ଦର ସହ ଦେଖିବା ସହ ଏହାକୁ ବହୁତ ପସନ୍ଦ ମଧ୍ୟ କରିଛନ୍ତି।
Comments are closed.