ମୁମ୍ବାଇ:ଏସିଆର ଧନୀ ବ୍ୟକ୍ତି ଏବଂ ଦେଶର ସବୁଠାରୁ ବଡ କମ୍ପାନୀ ରିଲାଏନ୍ସର ମାଲକ ମୁକେଶ ଅମ୍ବାନୀ । ରିଲାଏନ୍ସ ର ବ୍ୟବସାୟ ଆକାଶ ଛୁଇଁଛି । ଦେଶରୁ ବିଦେଶ ସବୁଆଡେ ବ୍ୟାପିଛି କାରବାର । ହେଲେ ରିଲାଏନ୍ସର ଗୋଟିଏ ପରେ ଗୋଟିଏ ଡିଲ୍ ବଢିବା ପଛରେ କାମ କରୁଥାଏ ଗୋଟିଏ ମୁଣ୍ଡ । ସେ ହେଉଛନ୍ତି ଅମ୍ବାନୀ ପରିବାରର ଖାସ ବନ୍ଧୁ । ଅନ୍ୟ ଅର୍ଥରେ ରାଇଟ ହାଣ୍ଡ । ସବୁ ବଡ ବଡି ଡିଲ ପଛରେ ରହିଥାଏ ତାଙ୍କର ହାତ । ରିଲାଏନ୍ସ କମ୍ପାନୀରେ ସେ ଏମଏମ ନାମରେ ବେଶ ପରିଚିତ । ତେବେ କିଏ ଏହି ଏମଏମ ଯାହାକୁ ସେ ଉପହାର ଦେଇଛନ୍ତି ୧୫୦୦ କୋଟିର ଆଲିଶାନ ବଙ୍ଗଳା ?
ଏମଏମ ହେଉଛନ୍ତି ମନୋଜ ମୋଦି । ମନୋଜ ମୋଦି ମୁକେଶଙ୍କ ପିଲାବେଳର ସାଙ୍ଗ । ଉଭୟେ ଏକାଠି କଲେଜରେ ପାଠ ପଢୁଥିଲେ ।ମୁମ୍ବାଇ ୟୁନିଭର୍ସିଟିର ଡିପାର୍ଟମେଣ୍ଟ ଅଫ କେମିକାଲ ଟେକ୍ନୋଲଜିରେ ବ୍ୟାଚମେଣ୍ଟ ଥିଲେ ମନୋଜ ଓ ମୁକେଶ । ୧୯୮୦ରେ ମନୋଜ ରିଲାଏନ୍ସରେ ଯୋଗ ଦେଇଥିଲେ । ୧୯୮୧ରେ ମୁକେଶଙ୍କ ବାପା ଧୀରୁଭାଇଙ୍କ ସହ କାମ କରିଥିଲେ । ସେ ସମୟରେ ଗୁରୁତ୍ୱପୂର୍ଣ୍ଣ ଭୂମିକା ଥିଲା ମନୋଜଙ୍କର ।
କାହାକୁ ଦେଲେ ମୁକେଶ ଅମ୍ବାନୀ ଉପହାର ଦେଲେ ୧୫୦୦ କୋଟିର ଘର ? ତେବେ ଗୁଜୁରାଟି ପରିବାରର ମନୋଜ ମୋଦିଙ୍କ ପରିବାର କହଲେ ପତ୍ନୀ ଏବଂ ଦୁଇ ଝିଅ । ତାଙ୍କ ସମ୍ପର୍କରେ ବିଶେଷ ତଥ୍ୟ ଉପଲବ୍ଧ ନାହିଁ । ଧୀରୁ ଭାଇ ଅମ୍ବାନୀଙ୍କ ସମୟରେ ମନୋଜ ନେତୃତ୍ୱ ନେବା ଆରମ୍ଭ କରିଥିଲେ । ତା ପରେ ମୁକେଶ ଏବଂ ଏବେ ଅନନ୍ତ-ଆକାଶ-ଇଶାଙ୍କ ସହ ବି କାମ କରୁଛନ୍ତି । ମନୋଜ ଅମ୍ବାନୀ ପରବାରର ୩ ପୀଢୀ ସହ କାମ କରିଲେଣି ।
ଅମ୍ବାନୀ ପରିବାର ଏତେ ନକଟତର ହୋଇ ବି ସେ ଚର୍ଚ୍ଚାରୁ ଯଥେଷ୍ଟ ଦୂରରେ । ସବୁଠାରୁ ବଡ କଥା ହେଲା ସେ ମିଡିଆକୁ ଆସନ୍ତି ନାହିଁ ଏବଂ ସୋସିଆଲ ମିଡିଆ ବ୍ୟବହାର କରନ୍ତି ନାହିଁ । ହେଲେ ଏବେ ମନୋଜ ମୋଦିଙ୍କୁ ନେଇ ଏବେ ସବୁଆଡେ ଚର୍ଚ୍ଚା । ମିଡିଆ ରିପୋର୍ଟ ଅନୁସାରେ, ରିଲାଏନ୍ସ ଚେୟାରମ୍ୟାନ ତାଙ୍କୁ ଏକ ୨୨ ମହଲା ଘର ଉପହାର ଆକାରରେ ଦେଇଛନ୍ତି । ଏହି ଘରର ମୂଲ୍ୟ ୧୫୦୦ କୋଟି ହେବ । ଏହି କୋଠା ମୁମ୍ବାଇର ନେପିୟନ ସି ରୋଡରେ ତିଆରି ହୋଇଛି ଏବଂ ଏହାର ନାମ ବୃନ୍ଦାବନ ରଖାଯାଇଛି ।
ନେପିୟନ ସି ରୋଡର ଏହି ଜାଗା ଖୁବ ସୁନ୍ଦର । ସବୁଜିମା ବିମଣ୍ଡିତ ଏହି ସ୍ଥାନରେ ୮ ହଜାର ବର୍ଗଫୁଟ ଜାଗାରେ ନିର୍ମିତ ହୋଇଛି ଘରର । ଏହାର ତିନି ପଟେ ରହିଛି ସମୁଦ୍ର । ଏଠାରେ ବିଶ୍ୱସ୍ତରୀୟ ସବୁ ସୁବିଧା ଉପଲବ୍ଧ । ଏହାର ତଳ ମହଲା କେବଳ ପାର୍କିଂ ପାଇଁ ରଖାଯାଇଛି ।
Comments are closed.