ଲକ୍ଷୌ୍ନ : ସାଧାରଣତଃ ବିଭିନ୍ନ ପ୍ରକାର ପଶୁପକ୍ଷୀ,ଜୀବଜନ୍ତୁଙ୍କୁ ଆମେ ପ୍ରାଣୀ ଉଦ୍ୟାନରେ ଦେଖିବାକୁ ପାଇଥାନ୍ତି । କିନ୍ତୁ ଲକ୍ଷେ୍ନା÷ ସହରର ନବାବ ୱାଜିଦ୍ ଅଲି ଶାହା ପ୍ରାଣୀ ଉଦ୍ୟାନ ବ୍ୟତୀତ ଆଉ ଏକ ସ୍ଥାନ ମଧ୍ୟ ଅଛି ଯେଉଁଠାରେ ଆପଣ ପ୍ରକୃତ ପ୍ରାଣୀମାନଙ୍କୁ ଅତି ନିକଟରୁ ଦେଖିପାରିବେ ଏବଂ ସେଗୁଡ଼ିକର ଫଟୋ ମଧ୍ୟ ଉଠାଇ ପାରିବେ । ଏହା କୌଣସି ପ୍ରାଣୀ ଉଦ୍ୟାନ ନୁହେଁ ବରଂ ଏକ ସଂଗ୍ରହାଳୟ, ଯେଉଁଠାରେ ରହିଛନ୍ତି ବିଭିନ୍ନ ପ୍ରକାର ଜୀବଜନ୍ତୁ, ପଶୁପକ୍ଷୀ ଆଦି ।
ଲକ୍ଷେ୍ନା÷ ସହରରେ ରହିଛି ବନ୍ୟପ୍ରାଣୀ ସଂଗ୍ରହାଳୟ । ଏହା କୁକ୍ରାଇଲରେ ନିର୍ମାଣ କରାଯାଇଛି । ଏଠାରେ ବଡ଼ ଏବଂ ସ୍ୱତନ୍ତ୍ର ପ୍ରାଣୀମାନଙ୍କର ମୃତ ଶରୀରଗୁଡିକ ଏକ ବଡ଼ ଗ୍ଲାସ୍ ଭିତରେ ସଂରକ୍ଷିତ କରି ରଖାଯାଇଛି । ଏମାନଙ୍କୁ ଅତି ନିକଟରୁ ଲୋକମାନେ ଦେଖିବାର ବ୍ୟବସ୍ଥା କରାଯାଇଛି । କୁକ୍ରାଇଲ୍ କେନ୍ଦ୍ର ମୁଖ୍ୟତଃ ଆଲିଗେଟର ଏବଂ କୁମ୍ଭୀରମାନଙ୍କ ପାଇଁ ଏକ ପ୍ରଜନନ କେନ୍ଦ୍ର ଭାବରେ ବେଶ୍ ଜଣାଶୁଣା । ଏଭଳି ପରିସ୍ଥିତିରେ ଏଠାରେ ଥିବା ସଂଗ୍ରହାଳୟରେ କୁମ୍ଭୀର ଏବଂ ଆଲିଗେଟର ମଧ୍ୟ ସଂରକ୍ଷିତ କରାଯାଇଛି, ଯାହା ଦେଖିବା ଆଶ୍ଚର୍ଯ୍ୟଜନକ ଅଟେ ।
ଏହି ସଂଗ୍ରହାଳୟରେ ପ୍ରତ୍ୟେକ ବାଘର ମୃତଦେହ ମଧ୍ୟ ରଖାଯାଇଛି, ଯାହା କେବଳ ପିଲାମାନେ ନୁହଁନ୍ତି ବୟସ୍କମାନେ ଦେଖି ଆନନ୍ଦିତ ହୋଇଥାନ୍ତି । ଏଠାରେ ଅନେକ ବିରଳ କଇଁଛ ମଧ୍ୟ ଅଛନ୍ତି, ଯାହାକୁ ଅତି ନିକଟରୁ ଦେଖିବାକୁ ସୁଯୋଗ ପାଇବେ । ଏହି ସଂଗ୍ରହାଳୟକୁ ବୁଲିବାକୁ ପ୍ରତ୍ୟେକ ଦିନ ହଜାର ହଜାର ପର୍ଯ୍ୟଟକଙ୍କ ଭିଡ଼ ଜମୁଛି ।
