Latest Odisha News

BREAKING NEWS

ମିଆଁମାର ଭୂମିକମ୍ପ: ମୃତ୍ୟୁସଂଖ୍ୟା ୧୭୦୦କୁ ବୃଦ୍ଧି

ନୂଆଦିଲ୍ଲୀ: ଗତ ଶୁକ୍ରବାର ଭାରତର ପଡ଼ୋଶୀ ଦେଶ ମିଆଁମାରରେ ଲଗାତାର ତିନି ଥର ଭୟଙ୍କର ଭୂମିକମ୍ପ ଘଟିଛି । ଏହି ଭୂମିକମ୍ପରେ ବର୍ତ୍ତମାନ ସୁଦ୍ଧା ୧୭୦୦ଜଣଙ୍କର ମୃତ୍ୟୁ ହୋଇଥିବା ବେଳେ ୩୪୦୦ ଜଣ ହୋଇଥିବା ନେଇ ସୂଚନା ମିଳିଛି । ଏହି ଘଟଣାରେ ମୃତ୍ୟୁ ସଂଖ୍ୟା ଆହୁରି ବଢିବା ନେଇ ଆଶା କରାଯାଉଛି । ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି ।

ଅନ୍ୟପଟେ ଏହି ଘଟଣାରେ ଆମେରିକୀୟ ଏଜେନ୍ସି ଚେତାବନୀ ଦେଇଥିଲା ଯେ ମୃତ୍ୟୁ ସଂଖ୍ୟା ୧୦ ହଜାର ଟପିପାରେ । ମିଆଁମାରରେ ହୋଇଥିବା କ୍ଷୟକ୍ଷତି ମଧ୍ୟରେ, ଭାରତ ସହାୟତାର ହାତ ବଢ଼ାଇଛି । ଭାରତ କେବଳ ପଡ଼ୋଶୀ ଦେଶ ପାଇଁ ଚିନ୍ତା ପ୍ରକାଶ କରିନାହିଁ ବରଂ ରିଲିଫ୍ ଏବଂ ଉଦ୍ଧାର ପାଇଁ ମଧ୍ୟ ଆଗକୁ ଆସିଛି । ମିଆଁମାରରେ ଭୂମିକମ୍ପରେ ହୋଇଥିବା କ୍ଷୟକ୍ଷତି ଯୋଗୁଁ ଭାରତ ଅପରେସନ୍ ବ୍ରହ୍ମା ଚଲାଉଛି ।ଏଥିରେ ଜରୁରୀ ଔଷଧ, ତମ୍ବୁ, ଶୁଖିଲା ଖାଦ୍ୟ ପୁଡିଆ, ଜେନେରେଟର, ୱାଟର ପ୍ୟୁରିଫାଏର , ସ୍ଲିପିଙ୍ଗ୍‌ ବ୍ୟାଗ୍‌ ଇତ୍ୟାଦି ସାମିଲ ରହିଛି। ଭାରତରୁ ଯାଇଥିବା ୮୦ ଜଣିଆ ଏନଡିଆରଏଫ୍‌ ଟିମ୍‌ ଇତିମଧ୍ୟରେ ମାଣ୍ଡାଲେଠାରେ ୬୦ ଶଯ୍ୟା ବିଶିଷ୍ଟ ଅସ୍ଥାୟୀ ଚିକିତ୍ସା ଶିବିର ସ୍ଥାପନ କରିଛନ୍ତି। ଚୀନ୍‌ ମଧ୍ୟ ୧୭ଟି ଟ୍ରକ୍‌ରେ ରିଲିଫ୍‌ ସାମଗ୍ରୀ ପଠାଇଛି। ଜାତିସଂଘ ମାନବାଧିକାର କମିସନ ପକ୍ଷରୁ କୁହାଯାଇଛି ଯେ ଭୂମିକମ୍ପ ଯୋଗୁଁ ମ୍ୟାଁମାରର ରାଜଧାନୀ ନ୍ୟାପିଦ ଏବଂ ମାଣ୍ଡାଲେ ସହର ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛି। ରାସ୍ତାଘାଟ ଭୁଶୁଡି ପଡିଥିବା ଏବଂ ଇଣ୍ଟରନେଟ ସେବା ବିଚ୍ଛନ୍ନ ହୋଇଥିବାରୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହେଉଛି।

ସୂଚନା ଅନୁସାରେ, ଗତ ୨୮ ମାର୍ଚ୍ଚରେ ମିଆଁମାରରେ ଘଟିଥିବା ୭.୫, ୭.୨ ତୀବ୍ରତାର ଏକ ଭୟଙ୍କର ଭୂମିକମ୍ପ ପରେ, ଶନିବାର ପୂର୍ବାହ୍ନ ୧୧.୫୩ ସମୟରେ ୪.୩ ତୀବ୍ରତାର ଏକ ଭୂକମ୍ପ ଅନୁଭୂତ ହୋଇଥିଲା । ମାଣ୍ଡାଲେ ନିକଟରେ କେନ୍ଦ୍ରୀଭୂତ ପ୍ରାରମ୍ଭିକ ଭୂମିକମ୍ପ ଫଳରେ ମିଆଁମାର ଏବଂ ଥାଇଲ୍ୟାଣ୍ଡରେ ବହୁ ଜୀବନହାନି ଏବଂ ବ୍ୟାପକ ଧ୍ୱଂସ ଘଟିଥିଲା।

Comments are closed.