ନାରଦ ସ୍କାମ; ହସ୍ପିଟାଲରେ ଭର୍ତ୍ତି ହେଲେ ଗିରଫ ଟିଏମସି ବିଧାୟକ ମଦନ ମିତ୍ର ଏବଂ ପୂର୍ବତନ ନେତା ସୋଭନ୍ ଚାଟାର୍ଜୀ

ପଶ୍ଚିମବଙ୍ଗ: ନାରଦ ଷ୍ଟିଙ୍ଗ୍ ମାମଲାରେ ସିବିଆଇ ଦ୍ୱାରା ଗିରଫ ହୋଇଥିବା ଟିଏମ୍‌ସି ବିଧାୟକ ମଦନ ମିତ୍ର ଏବଂ ପୂର୍ବତନ ନେତା ସୋଭନ୍ ଚାଟାର୍ଜୀଙ୍କୁ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ମଙ୍ଗଳବାର ସକାଳେ ହସ୍ପିଟାଲରେ ଭର୍ତ୍ତି କରାଯାଇଥିଲା ବୋଲି ଜଣେ ଅଧିକାରୀ କହିଛନ୍ତି।

ଉଭୟ ରାଜନେତା ନିଶ୍ୱାସ ପ୍ରଶ୍ୱାସ ନେବାରେ ଅସହଜ ଅନୁଭବ କରିବାରୁ ସେମାନଙ୍କୁ ଏସଏସକେମ୍‌ ହସ୍ପିଟାଲକୁ ନିଆଯାଇଥିଲା ବୋଲି ସେ କହିଛନ୍ତି। ଏହି ମାମଲାରେ କେନ୍ଦ୍ରୀୟ ଏଜେନ୍ସି ପଶ୍ଚିମବଙ୍ଗର ଦୁଇଜଣ ବରିଷ୍ଠ ମନ୍ତ୍ରୀ ଫିରହାଦ୍ ହାକିମ ଏବଂ ସୁବ୍ରତ ମୁଖାର୍ଜୀଙ୍କୁ ମଧ୍ୟ ଗିରଫ କରିଥିଲା ଏବଂ ଚାରିଜଣଙ୍କୁ ସୋମବାର ବିଳମ୍ବିତ ରାତିରେ କୋଲକାତାର ପ୍ରେସିଡେନ୍ସି ସଂଶୋଧନ ଗୃହକୁ ନିଆଯାଇଥିଲା।

“ଚାଟାର୍ଜୀ ଏବଂ ମିତ୍ର ପ୍ରାୟ ୩ ଟା ସମୟରେ ନିଶ୍ୱାସ ପ୍ରଶ୍ୱାସ ନେବାରେ ଅସହଜ ଅନୁଭବ କରିଥିଲେ। ଏହାପରେ ସେମାନଙ୍କୁ ଡାକ୍ତରଖାନାକୁ ଅଣାଯାଇଥିଲା। ଉଭୟଙ୍କୁ ଏସ୍‌କେଏମ୍‌ ହସ୍ପିଟାଲରେ ଅକ୍ସିଜେନ ସହାୟତାରେ ରଖାଯାଇଛି।