ବୈଷୟିକ ତ୍ରୁଟି ଯୋଗୁ ନାସାର ଆର୍ଟେମିସ-୧ ଲଚିଂ ଘୁଂଚିଲା

ୱାଶିଂଟନ: ଆମେରିକା ସ୍ପେଶ ଏଜେନ୍ସି ନାସା ସୋମବାର ଆର୍ଟେମିସ-୧ ଲଂଚିକୁ ବୈଷୟିକ ତ୍ରୁଟି ଯୋଗୁ ଘୁଂଚାଇ ଦିଆଯାଇଛି । ଫ୍ଲୋରିଡାର କେନେଡି ସ୍ପେଶ ସେଂଟରରୁ ସ୍ପେଶ ଲଂଚ ସିଷ୍ଟମ ରକେଟ ଓ ଓରିୟନ କ୍ୟାପସୁଲକୁ ୪୨ ଦିନ ମିଶନରେ ପଠାଇବା ପାଇଁ ସମସ୍ତ ପ୍ରସ୍ତୁତି ସରିଥିଲା । ଟିମ ଇଂଜନ ନମ୍ବର ୩ରେ ଲିକେଜ ସମସ୍ୟା ଯୋଗୁ ଶେଷରେ ନିରୁପାୟ ହୋଇ ବୈଜ୍ଞାନିକମାନେ ଏହାକୁ ବନ୍ଦ କରିବାକୁ ବାଧ୍ୟ ହୋଇଥିଲେ । ସେପ୍ଟମ୍ବର ୨ କିମ୍ବା ୫ରେ ଏହାକୁ ପୁନର୍ବାର ଚନ୍ଦ୍ରପୃଷ୍ଠକୁ ପଠାଯିବ ବୋଲି ନାସା ପକ୍ଷରୁ କୁହାଯାଇଛି । ଆମେରିକାର ଉପ ରାଷ୍ଟ୍ରପତି କମଳା ହ୍ୟାରିସଙ୍କ ସମେତ ଅନେକ ଏହି ଐତିହାସିକ ଉତକ୍ଷେପଣକୁ ଅପେକ୍ଷା କରିଥିଲେ ମଧ୍ୟ ଶେଷରେ ସେମାନଙ୍କୁ ନିରାଶ ହେବାକୁ ପଡିଛି ।

The launch of #Artemis I is no longer happening today as teams work through an issue with an engine bleed. Teams will continue to gather data, and we will keep you posted on the timing of the next launch attempt. https://t.co/tQ0lp6Ruhv pic.twitter.com/u6Uiim2mom

— NASA (@NASA) August 29, 2022

ଆପୋଲ ୧୭ର ୫୦ ବର୍ଷ ପରେ ଚନ୍ଦ୍ର ପୃଷ୍ଠ ସମ୍ପର୍କରେ ଅଧିକ ତଥ୍ୟ ପାଇଁ ଏହି ମିଶନ ପ୍ରସ୍ତୁତ କରାଯାଇଥିଲା । ନାସା ପାଇଁ ଏହା ବହୁତ ଗୁରୁତ୍ୱପୂର୍ଣ୍ଣ ମିଶନ ଥିଲା । ଏହା ମାଧ୍ୟମରେ ସ୍ପେଶକ୍ରାଫ୍ଟ ଚନ୍ଦ୍ର ପୃଷ୍ଠକୁ ଯିବା ପରେ କେତେକ ଛୋଟ ଉପଗ୍ରହକୁ କକ୍ଷପଥରେ ଛାଡିବା ସହ ନିଜସ୍ୱ କକ୍ଷରେ ସ୍ଥାପତି ହୋଇ ସୂଚନା ପ୍ରଦାନ କରିଥାନ୍ତା । ଏହା ଦ୍ୱାରା ଚନ୍ଦ୍ର ପୃଷ୍ଠର ଆଖ ପାଖର ସ୍ଥିତି ଅନୁଧ୍ୟାନ କରିବାରେ ସହାୟ ହୋଇଥାନ୍ତା । ବର୍ତମାନ ସମସ୍ତେ ପରବର୍ତୀ ତାରିଖକୁ ଅପେକ୍ଷା କରିଛନ୍ତି ।