ନୟାଗଡ଼: ବହୁଚର୍ଚ୍ଚିତ ଯଦୁପୁର ନାବାଳିକା ହତ୍ୟା ମାମଲାରେ ଆଜି ନୟାଗଡ଼ ଚିଲଡ୍ରେନ୍ କୋର୍ଟରେ ହାଜର ହେବ ଅଭିଯୁକ୍ତ ନାବାଳକ । ତାର ଲେୟାର ଭଏସ୍ ଆନାଲିସ୍ ବା LVA ଟେଷ୍ଟ ପାଇଁ ଏସଆଇଟି କରିଥିବା ଆବେଦନର ଆଜି ଶୁଣାଣି ରହିଛି । ସେହିପରି ରିମାଣ୍ଡ ସମୟରେ ନାବାଳକକୁ ଦିଆଯାଇଥିବା ନିର୍ଯାତନାର ନେଇ ଅଭିଯୁକ୍ତର ଓକିଲ କରିଥିବା ଆବେଦନ ଉପରେ ବି ଶୁଣାଣି ହେବ ।
ଏଥିପାଇଁ ଆଜି ଅଭିଯୁକ୍ତକୁ ଅନୁଗୋଳ ବାଳସୁଧାର ଗୃହରୁ ଅଣାଯିବ ନୟାଗଡ । ପୂର୍ବରୁ ନାର୍କୋ ଆନାଲିସିସ ଟେଷ୍ଟ ଓ ବ୍ରେନ୍ ମ୍ୟାପିଂ ପାଇଁ ଏସଆଇଟି ଆବେଦନ କରିଥିଲା । କିନ୍ତୁ ସେସବୁ ଟେଷ୍ଟ ପାଇଁ ମନା କରିଥିଲା ଅଭିଯୁକ୍ତ । ଏଭଳି ସ୍ଥିତିରେ LVA ଟେଷ୍ଟ କରିବ କି ନାହିଁ, କୋର୍ଟ କି ନିଷ୍ପତ୍ତି ଶୁଣାଇବେ ତାଉପରେ ନଜର ରହିଛି ।