ଭୁବନେଶ୍ୱର: ନେଶନାଲ କ୍ୟାରିଅର ସର୍ଭିସ ସେଣ୍ଟର ଫର ଡିଫରଏଣ୍ଟଲି ଏବଲଡ୍( ଏନ ସି ଏସି ଡି ଏ ) ପକ୍ଷରୁ ଆସନ୍ତା ଶୁକ୍ରବାର ଦିବ୍ୟାଙ୍ଗଙ୍କ ପାଇଁ ଏକ ନିଯୁକ୍ତି ମେଳା ଆୟୋଜନର କରୁଛି । ଶୃତି ହୀନ ବ୍ୟକ୍ତିଙ୍କ ପାଇଁ ଏହି ନିଯୁକ୍ତି ମେଳା ଆୟୋଜନ କରାଯାଉଛି ବୋଲି ପିଆବି(ପ୍ରେସ ଇନଫରମେସନ ବ୍ୟୁରୋ) ପ୍ରେସ ବିଜ୍ଞପ୍ତିରେ କୁହାଯାଇଛି ।
‘ୟୁଥ ୪ ଜବ୍ସ’ ସଂସ୍ଥା ଦ୍ୱାରା ଏହି ନିଯୁକ୍ତି ମେଳା ଆୟୋଜନ କରାଯିବ ବୋଲି ବିଜ୍ଞପ୍ତିରେ ଉଲ୍ଲେଖ ହୋଇଛି। ଭି-ମାର୍ଟ, ମ୍ୟାକ୍ସ ଏବଂ ଫ୍ଲିପକାର୍ଟରେ ଥିବା ବିଭିନ୍ନ ପଦବୀର ୩୦ଟି ନିଯୁକ୍ତି ପାଇଁ ଏଠାରେ ମେଳା ଆୟୋଜନ ହେଉଛି ।
ଆଗ୍ରହୀ ପ୍ରାର୍ଥୀ ମାନେ ତାଙ୍କର ସମସ୍ତ ଶିକ୍ଷାଗତ ଯୋଗ୍ୟତା ସାର୍ଟିଫିକେଟ, ପରିଚୟ ପତ୍ର(ଆଧାର କାର୍ଡ), ପାସପୋର୍ଟ ଫଟୋ, ଦିବ୍ୟାଙ୍ଗ ସାର୍ଟିଫିକେଟ, ପ୍ୟାନ୍ କାର୍ଡ ଏବଂ ବାୟୋଡାଟା ଧରି ଯିବାକୁ କୁହାଯାଇଛି ।
ଏହି ପଦବୀ ଗୁଡ଼ିକ ପାଇଁ ଶୃତି ହୀନ ଉଭୟ ପୁରୁଷ ଓ ମହିଳା ନିଯୁକ୍ତି ମେଳାରେ ଭାଗ ନେଇପାରିବେ। ବୟସ ୧୮ରୁ ୩୦ ବର୍ଷ ହୋଇଥିବା ଆବଶ୍ୟକ, ସର୍ବନିମ୍ନ ଶିକ୍ଷାଗତ ଯୋଗ୍ୟତା ହେଉଛି ଦଶମ ପାସ୍। ଆସନ୍ତା ୨୬ ତାରିଖ ଶୁକ୍ରବାର ସକାଳ ୧୦ଟାରୁ ୩ଟା ମଧ୍ୟରେ ଏହି ମେଳା ଏନ ସି ଏସି ଡି ଏ ଭୁବନେଶ୍ୱର କାର୍ଯ୍ୟାଳୟରେ ଅନୁଷ୍ଠିତ ହେବ ।
Comments are closed.