ପାଟନା: ଆସନ୍ତା ବିହାର ବିଧାନସଭା ନିର୍ବାଚନରେ ଏନଡିଏ ୨୨୦ ଟି ଆସନ ଜିତିବ ବୋଲି କେନ୍ଦ୍ର ମନ୍ତ୍ରୀ ନିତ୍ୟାନନ୍ଦ ରାୟ କହିଛନ୍ତି। ଅକ୍ଟୋବର-ନଭେମ୍ବରରେ ହେବାକୁ ଥିବା ବିଧାନସଭା ନିର୍ବାଚନରେ ୨୪୩ ଟି ଆସନ ମଧ୍ୟରୁ ୨୨୦ ଟି ଜିତି ଏନଡିଏ ରାଜ୍ୟରେ ସରକାର ଗଠନ କରିବ ବୋଲି ଶୁକ୍ରବାର ଦିନ କହିଛନ୍ତି ବରିଷ୍ଠ ନେତା ।
ନବନିର୍ବାଚିତ ୭୦ ସଦସ୍ୟ ବିଶିଷ୍ଟ ବିହାର ନିର୍ବାଚନ ପରିଚାଳନା କମିଟିର ସଂଯୋଜକ ଶ୍ରୀ ରାୟ କହିଛନ୍ତି, “ମୁଁ ନିଶ୍ଚିତ ଯେ ଏନଡିଏ ୨୨୦ ଟି ଆସନ ଜିତିବ ଏବଂ (ମୁଖ୍ୟମନ୍ତ୍ରୀ) ନୀତୀଶ କୁମାରଙ୍କ ନେତୃତ୍ୱରେ ସରକାର ଗଠନ କରିବ।”
ଶୁକ୍ରବାର ଦିନ କମିଟିର ଏହି ବୈଠକରେ ବିଜେପି ରାଷ୍ଟ୍ରୀୟ ସଭାପତି ଜେପି ନାଡା, ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ତଥା ବିହାର ନିର୍ବାଚନ ଦାୟିତ୍ୱରେ ଥିବା ଦେବେନ୍ଦ୍ର ଫଡନାଭିସ୍ ଏବଂ ବିହାର ବିଜେପି ମୁଖ୍ୟ ସଞ୍ଜୟ ଜୟସୱାଲ ପ୍ରମୁଖ ଉପସ୍ଥିତ ଥିଲେ।
ବୈଠକରେ ରାଜ୍ୟ ତଥା ବିଧାନସଭା ନିର୍ବାଚନ ସହ ଜଡିତ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରାଯାଇଥିଲା ବୋଲି ରାୟ କହିଛନ୍ତି। ବିଭିନ୍ନ ବର୍ଗର ଲୋକ, ବିଶେଷକରି କୃଷକ, ଗରିବ ଏବଂ ମହିଳାଙ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଅତ୍ୟଧିକ ବିଶ୍ୱାସ ଏବଂ ଭରୋସା ଥିବା କଥା କେନ୍ଦ୍ରମନ୍ତ୍ରୀ କହିଛନ୍ତି ।
କେନ୍ଦ୍ରମନ୍ତ୍ରୀ ରାୟ ଏହା ମଧ୍ୟ କହିଛନ୍ତି ଯେ ମଙ୍ଗଲ ପାଣ୍ଡେଙ୍କ ନେତୃତ୍ୱରେ ବିହାର ସରକାରଙ୍କ ସ୍ୱାସ୍ଥ୍ୟ ବିଭାଗ କୋଭିଡ-୧୯ ମହାମାରୀର ମୁକାବିଲା ପାଇଁ ସମସ୍ତ ବ୍ୟବସ୍ଥା କରିଛି।