ତାଳଚେର: ଆପେ ଆପେ ଜଳୁଝି ନିମ୍ବଗଛ । ବହୁ ବର୍ଷର ଏହି ନିମ୍ବଗଛଟି ଜଳିବାରେ ଲାଗିଛି । କେଉଁଠୁ ନିଆଁ ଆସିଲା କେହି ଜାଣନ୍ତିନି । କେତେବେଳେ ଜଳୁଛି, କେତେବେଳେ ଲିଭିଯାଉଛି । ଏପରି ଅଲୌକିକ ଦୃଶ୍ୟ ଦେଖିବାକୁ ମିଳିଛି ତାଳଚେର ବ୍ଲକ ଅନ୍ତର୍ଗତ ଜଗନ୍ନାଥପୁର ଗ୍ରାମରେ।
ଜଗନ୍ନାଥ ପୁର ପୋଖରୀ ହୁଡ଼ାରେ ରହିଛି ଏହି ପୁରୁଣା ନିମ୍ବ ଗଛ । କିଛି ଲୋକ ଆଜି ମଧ୍ୟାହ୍ନ ସମୟରେ ଦେଖିଲେ ଗଛଟି ଜଳୁଛି । ଗଛ ମୂଳରେ ଗ୍ରାମବାସୀ ପଣାପାଣି ଦେଇ ପୂଜାର୍ଚ୍ଚନା କରିବା ପରେ ନିଆଁ ଲିଭି ଗଲା । ହେଲେ କିଛି ସମୟ ପରେ ପୁଣି ତାହା ଆପେ ଆପେ ଜଳିବାକୁ ଲାଗିଲା l
ତାଳଚେର ଅଞ୍ଚଳର ମା ଅଗ୍ନିରୁପା ମା ହିଙ୍ଗୁଳାଙ୍କ ଯାତ୍ରା ଆଜକୁ ୫ମ ଦିନ ହୋଇଥିବା ବେଳେ ମାଙ୍କର ଏପରିକିଛି ଆଲୋକିକ ଶକ୍ତି ଏଠାରେ ବିରାଜମାନ ହୋଇଛି ବୋଲି ସ୍ଥାନୀୟ ଲୋକେ କୁହାକୁହି ହେଉଛନ୍ତି l ଏହି ଘଟଣା ପ୍ରସାରିତ ହେବା ପରେ ଜଗନ୍ନାଥପୁର ଗ୍ରାମ ଏବଂ ଏହାର ଆଖପାଖ ଅଞ୍ଚଳରୁ ଶହ ଶହ ଲୋକଙ୍କର ଏଠାରେ ଭିଡ ଜମିଛି । ଏଠାରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି ।