ତିରୁମାଲା ମନ୍ଦିରରେ କାର୍ଯ୍ୟ କରୁଥିବା ସମସ୍ତ ବ୍ୟକ୍ତି ହିନ୍ଦୁ ହେବା ଉଚିତ: ଟିଟିଡି ବୋର୍ଡର ନୂତନ ଅଧ୍ୟକ୍ଷ

ହାଇଦ୍ରାବାଦ: ବିଶ୍ୱ ପ୍ରସିଦ୍ଧ ପ୍ରସାଦମ୍ ତଥା ଲଡୁରେ ପଶୁ ଚର୍ବି ମିଶ୍ରିତ ହେବା ନେଇ ବିବାଦ ପରେ ତିରୁମାଲା ତିରୁପତି ଦେବସ୍ତାନମ୍ (ଟିଟିଡି) ବୋର୍ଡର ନୂତନ ନିଯୁକ୍ତ ଚେୟାରମ୍ୟାନ୍ ବିଆର ନାଇଡୁ ଗୁରୁବାର କହିଛନ୍ତି ଯେ ପ୍ରଭୁ ଭେଙ୍କଟେଶ୍ୱରଙ୍କ ବାସସ୍ଥାନ ତିରୁମାଲାରେ କାର୍ଯ୍ୟ କରୁଥିବା ସମସ୍ତ ଲୋକ ହିନ୍ଦୁ ସମ୍ପ୍ରଦାୟ ହେବା ଉଚିତ୍। ଏଠାରେ କାର୍ଯ୍ୟ କରୁଥିବା ଅଣ-ହିନ୍ଦୁମାନଙ୍କ ବିଷୟରେ ଆମେ ଆନ୍ଧ୍ରପ୍ରଦେଶ ସରକାରଙ୍କ ସହ ଆଲୋଚନା କରିବୁ ବୋଲି କହିଛନ୍ତି ଟିଟିଡି ବୋର୍ଡର ନୂଆ ଅଧ୍ୟକ୍ଷ।

ହାଇଦ୍ରାବାଦରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରି ବିଆର ନାଇଡୁ ଏହା ମଧ୍ୟ କହିଛନ୍ତି ଯେ ଅନ୍ୟ ଧର୍ମର କର୍ମଚାରୀମାନଙ୍କୁ କିପରି ବ୍ୟବହାର କରାଯିବ, ସେମାନଙ୍କୁ ଅନ୍ୟ ସରକାରୀ ବିଭାଗକୁ ପଠାଯିବା ଉଚିତ କିମ୍ବା ସେମାନଙ୍କୁ VRS (ସ୍ବେଚ୍ଛାସେବୀ ଅବସର ଯୋଜନା) ଦିଆଯିବା ଉଚିତ୍ ବୋଲି କହିଛନ୍ତି। ଏ ବିଷୟରେ ସେ ଆନ୍ଧ୍ରପ୍ରଦେଶ ସରକାରଙ୍କ ସହ ଆଲୋଚନା କରିବେ ବୋଲି କହିଛନ୍ତି। ତିରୁମାଲାରେ କାର୍ଯ୍ୟ କରୁଥିବା ହିନ୍ଦୁମାନଙ୍କ ବିଷୟରେ ସେ କହିଛନ୍ତି, “ତିରୁମାଲାରେ କାର୍ଯ୍ୟ କରୁଥିବା ପ୍ରତ୍ୟେକ ବ୍ୟକ୍ତି ହିନ୍ଦୁ ହେବା ଉଚିତ୍। ଏହି ଦିଗରେ କାମ କରିବା ମୋର ପ୍ରଥମ ପ୍ରୟାସ ହେବ। ଏଥିରେ ଅନେକ ସମସ୍ୟା ଅଛି। ଆମକୁ ଏହା ଉପରେ ଧ୍ୟାନ କରିବାକୁ ପଡ଼ିବ। ”

ଟିଟିଡି ବୋର୍ଡର ଚେୟାରମ୍ୟାନ୍ ଭାବରେ ନିଯୁକ୍ତ ହେବା ପରେ ପ୍ରଭୁ ଭେଙ୍କଟେଶ୍ୱରଙ୍କ ଭକ୍ତ ନାଇଡୁ କହିଛନ୍ତି ଯେ ଟିଟିଡି ବୋର୍ଡର ଚେୟାରମ୍ୟାନ୍ ଭାବରେ ନିଯୁକ୍ତ ହେବା ତାଙ୍କୁ ଏକ ସୌଭାଗ୍ୟ ବୋଲି ସେ କହିଛନ୍ତି। ତାଙ୍କୁ ବୋର୍ଡର ମୁଖ୍ୟ ଭାବେ ଦାୟିତ୍ୱ ଦେଇଥିବାରୁ ସେ ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡୁ ଏବଂ ରାଜ୍ୟର ଏନଡିଏ ସରକାରର ଅନ୍ୟ ନେତାମାନଙ୍କୁ ଧନ୍ୟବାଦ ଜଣାଇଛନ୍ତି।