ମୁମ୍ବାଇ: କରୋନା ମହାମାରୀ ଯୋଗୁ ୨୦୨୦ରେ ସିନେମା ହଲ ନୀରବ ହୋଇ ଯାଇଥିଲା । ଏବେ ସ୍ଥିତି ଧିରେ ଧିରେ ସାଧାରଣ ହେବା ସହ ଫିଲ୍ମ ଶୁଟିଂ ଆରମ୍ଭ ହୋଇଯାଇଛି । ୨୦୨୧ ବଲିଉଡରେ କେତେକ ନୂତନ ଅନସ୍କ୍ରିନ ଯୋଡି ଦେଖିବାକୁ ମିଳିବ । ଅବଶ୍ୟ ଏହା ଦର୍ଶକଙ୍କୁ ପସନ୍ଦ ହେବ କି ନାହିଁ ତାହା ସମୟ କହିବ ।
ରଣବୀର-ଶ୍ରଦ୍ଧା: ଲଭରଂଜନ ଫିଲ୍ମରେ ପ୍ରଥମ ଥର ପାଇଁ ରଣବୀର କାପୁର ଓ ଶ୍ରଦ୍ଧା କାପୁର ଏକତ୍ର ଅଭିନୟ କରିବାକୁ ଯାଉଛନ୍ତି ।
ପ୍ରଭାସ-ଦିପୀକା: ବାହୁବଳୀ ଫେମ୍ ପ୍ରଭାସ ଏବଂ ଦୀପିକା ପାଦୁକୋନଙ୍କୁ ପ୍ରଥମ ଥର ସ୍କ୍ରିନ ଶେୟାର କରିବାକୁ ଯାଉଛନ୍ତି । ନାଗ ଅଶ୍ୱିନଙ୍କ ମେଗା ବଜଟେ ଫିଲ୍ମରେ ସେମାନେ ଅଭିନୟ କରୁଛନ୍ତି ।
ରଣବୀର-ଜ୍ୟାକଲିନ୍: ରୋହିତ ଶେଟ୍ଟିଙ୍କ ସର୍କସ ଫିଲ୍ମରେ ରଣବୀର ସିଂ ଓ ଜ୍ୟାକଲିନ୍ ଫର୍ଣ୍ଣାଣ୍ଡିଜ ଏକାଠି ଆସୁଛନ୍ତି । ଏଥିରେ ରଣବୀର ଓ ପୂଜା ହେଗେଡଙ୍କୁ ମଧ୍ୟ ଦେଖିବାକୁ ମିଳିବ ।
ସିଦ୍ଧାନ୍ତ-ଦୀପିକା: ଶକୁନ ବାତ୍ରାଙ୍କ ଏକ ଫିଲ୍ମରେ ସିଦ୍ଧାନ୍ତ ଚର୍ତୁବେଦୀ ଓ ଦୀପିକା ପାଦୁକୋନ ଅଭିନୟ କରୁଛନ୍ତି ।
ସିଦ୍ଧାନ୍ତ-କଟ୍ରିନା; ଗୁରମିତ ସିଂଙ୍କ ନିର୍ଦ୍ଦେଶନାରେ ପ୍ରସ୍ତୁତ ହେଉଥିବା ଭୂତ ଫିଲ୍ମରେ ସିଦ୍ଧାନ୍ତ ଚର୍ତୁବେଦୀ ଓ କଟ୍ରିନା କୈଫଙ୍କ କେମେଷ୍ଟ୍ରି ଦେଖିବାକୁ ମିଳିବ ।
Comments are closed.