ଅନନ୍ତ-ରାଧିକା ପ୍ରି ଓ୍ବିଡିଂଙ୍ଗ ସେଲିବ୍ରେସନ: ମା’ ବିଶ୍ୱମ୍ବରୀଙ୍କ ସ୍ତୁତିରେ ସୁନ୍ଦର ନୃତ୍ୟ ପ୍ରଦର୍ଶନ କଲେ ନୀତା ଅମ୍ବାନୀ

ଜାମନଗର: ଗୁଜୁରାଟ ଜାମନଗରରେ ଚାଲିଥିବା ଅନନ୍ତ ଅମ୍ବାନୀ ଏବଂ ରାଧିକ ମର୍ଚାଣ୍ଟ ପ୍ରି ଓ୍ବିଡିଂଙ୍ଗର ଗ୍ରାଣ୍ଡ ସେଲିବ୍ରେସନ ଗତକାଲି ଅର୍ଥାତ୍ ରବିବାର ରାତିରେ ଶେଷ ହୋଇଛି । ଏହି କାର୍ଯ୍ୟକ୍ରମରେ ଦେଶ ବିଦେଶରେ ଅନେକ କଳାକାର, କ୍ରିକେଟ୍‌ରଙ୍କ ସହ ବହୁ ମାନ୍ୟଗଣ୍ୟ ବ୍ୟକ୍ତି ସାମିଲ ହୋଇଛନ୍ତି । ତେବେ ଏହି କାର୍ଯ୍ୟକ୍ରମର ଶେଷ ଦିନରେ ନୀତା ଅମ୍ବାନୀ ବିଶ୍ୱମ୍ବରୀ ସ୍ତୁତିରେ ଶାସ୍ତ୍ରୀୟ ନୃତ୍ୟର ସୁନ୍ଦର ପ୍ରଦର୍ଶନ କରି ସମସ୍ତଙ୍କ ହୃଦୟ ଜିତିଛନ୍ତି ।

ଅନନ୍ତ-ରାଧିକାଙ୍କ ପ୍ରି-ଓ୍ବିଡିଂଙ୍ଗ ସେଲିବ୍ରେସନ ତିନି ଦିନ ଧରି ଚାଲିଥିଲା । ବଲିଉଡ ସୁପରଷ୍ଟାର ଶାହାରୁଖ ଖାନ, ସଲମାନ ଖାନଙ୍କ ସମେତ ଅନେକ ତାରକା ସେମାନଙ୍କର ଚମତ୍କାର ପ୍ରଦର୍ଶନ କରିଥିଲେ । ରବିବାର ରାତିରେ ମହା ଆଳତୀ ପରେ କିଛି ବିଶେଷ ପ୍ରଦର୍ଶନ ସହିତ ପ୍ରି ଓ୍ବିଡିଂଙ୍ଗ ସେଲିବ୍ରେସନ ସମାପ୍ତ ହୋଇଛି ।

ନୀତା ଅମ୍ବାନୀଙ୍କ ଦ୍ୱାରା ପରିବେଷିତ ଗୀତ ମାଆ ଦୁର୍ଗାଙ୍କୁ ଉତ୍ସର୍ଗ କରାଯାଇଛି । ANI ଦ୍ୱାରା ସେୟାର ହୋଇଥିବା ଏହି ସୁନ୍ଦର ଭିଡିଓରେ ସେ ପାରମ୍ପାରିକ କମଳା ରଙ୍ଗର ସାଢୀ ପିନ୍ଧି ସୁନ୍ଦର ଭାବରେ ନୃତ୍ୟ ପରିବେଷଣ କରିଥିଲେ । ଯାହା ଏବେ ବିଜୁଳି ବେଗରେ ଭାଇରାଲ ହେବାରେ ଲାଗିଛି । ଆଉ ଏହାକୁ ବହୁ ଲାଇକ ମଧ୍ୟ ମିଳିଛି ।

#WATCH रिलायंस फाउंडेशन की संस्थापक और चेयरपर्सन नीता अंबानी ने गुजरात के जामनगर में अनंत अंबानी-राधिका मर्चेंट के प्री-वेडिंग सेलिब्रेशन में परफॉर्म किया। pic.twitter.com/BTwkVJryhH

— ANI_HindiNews (@AHindinews) March 3, 2024

ପିଲାଦିନରୁ ନୀତା ଅମ୍ବାନୀ ପ୍ରତ୍ୟେକ ନବରାତ୍ରୀ ସମୟରେ ଏହି ଭଜନ ଶୁଣନ୍ତି । ଅନନ୍ତ ଏବଂ ରାଧିକାଙ୍କ ଆଗାମୀ ଯାତ୍ରା ପାଇଁ ମାଆ ଆମ୍ବେଙ୍କ ଆଶୀର୍ବାଦ ପାଇବା ପାଇଁ ସେ ବିଶ୍ୱମ୍ବରୀ ସ୍ତୁତିରେ ନୃତ୍ୟ କରିଛନ୍ତି । ସେ ତାଙ୍କ ଏହି ନୃତ୍ୟକୁ ନାତୁଣୀ ଆଦିଆ ଶକ୍ତି ଏବଂ ବେଦାଙ୍କୁ ମଧ୍ୟ ଉତ୍ସର୍ଗ କରିଥିବା କହିଛନ୍ତି ।