ବନ୍ଦ ହେବନି କୌଣସି ରେଡିଓ ଷ୍ଟେସନ, ସ୍ପଷ୍ଟୀକରଣ ଦେଲା ପ୍ରସାର ଭାରତୀ

ନୂଆଦିଲ୍ଲୀ: ଅଲ୍ ଇଣ୍ଡିଆ ରେଡିଓର କେତେକ ଷ୍ଟେସନ ବନ୍ଦ ବୋଲି କେତେକ ଗଣମାଧ୍ୟମରେ ପ୍ରକାଶ ପାଇଥିବା ଖବରକୁ ଦୃଢ ଭାବେ ଖଣ୍ଡନ କରିଛି ପ୍ରସାର ଭାରତୀ । ସେଗୁଡିକ ଫେକ ନ୍ୟୁଜ, ତଥ୍ୟବିହୀନ ଓ ଭିତ୍ତିହୀନ ବୋଲି ପ୍ରସାର ଭାରତୀ କହିଛି ।
ପ୍ରସାର ଭାରତୀ ଆହୁରି କହିଛି ଯେ, ଆକାଶବାଣୀର ସବୁ ଷ୍ଟେସନ ଆଗ ପରି ଚାଲିବ । କୌଣସି ଷ୍ଟେସନକୁ ଡାଉନଗ୍ରେଡ୍ କରା ଯାଇନି । ସ୍ଥାନୀୟ କଳାକାରଙ୍କୁ ସୁଯୋଗ ଦେବା ସହିତ ସ୍ଥାନୀୟ ଅଞ୍ଚଳର କଳା, ସଂସ୍କୃତି, ଭାଷା, ଲୋକାଚାର ଆଦିକୁ ଦେଖି ସେହିପରି କାର୍ଯ୍ୟକ୍ରମ ପ୍ରସାରଣ ଜାରି ରହିବ । ଏପରିକି ଆହୁରି ଶହେ ଏଫ୍‌ଏମ୍ ଷ୍ଟେସନ ପ୍ରତିଷ୍ଠା ସହିତ ଆକାଶବାଣୀ ନିଜ ନେଟୱର୍କ ବୃଦ୍ଧି କରିବ ବୋଲି ପ୍ରସାର ଭାରତୀ କହିଛି ।