ଆର୍ଯ୍ୟନଙ୍କୁ ମିଳିଲାନି ଜାମିନ, କାଲି ପର୍ଯ୍ୟନ୍ତ ଘୁଞ୍ଚିଲା ଶୁଣାଣି

ମୁମ୍ବାଇ : ପୁଣି ଅଟକିଲା ଶାହରୁଖ ଖାନଙ୍କ ପୁଅ ଆର୍ଯ୍ୟନ ଖାନଙ୍କ ଜାମିନ ଶୁଣାଣି । ବମ୍ବେ ହାଇକୋର୍ଟରେ ହୋଇଥିବା ଜାମିନ ଶୁଣାଣିକୁ ଆସନ୍ତାକାଲି ପର୍ଯ୍ୟନ୍ତ ସ୍ଥଗିତ ରଖିଛନ୍ତି କୋର୍ଟ । ଆସନ୍ତାକାଲି ଅପରାହ୍ନ ସାଢ଼େ ୨ଟାରେ ଜାମିନ ଆବେଦନର ଶୁଣାଣି କରିବେ ବମ୍ବେ କୋର୍ଟ । ଫଳରେ ଆଜି ରାତି ମଧ୍ୟ ଆର୍ଯ୍ୟନ ଖାନଙ୍କୁ ଜେଲରେ କାଟିବାକୁ ପଡ଼ିବ ।

ଆଜି ଦୀର୍ଘ ସମୟ ଧରି ଆର୍ଯ୍ୟନଙ୍କ ଓକିଲ ମୁକୁଲ ରୋହତଗୀ ପକ୍ଷ ରଖିଥିଲେ । ଆର୍ଯ୍ୟନଙ୍କୁ ଜାମିନ ଦେବାକୁ ସେ କୋର୍ଟରେ ଗୋଟିଏ ପରେ ଗୋଟିଏ ଯୁକ୍ତି ବାଢ଼ିଥିଲେ । ହେଲେ କୋର୍ଟ ଶୁଣାଣିକୁ ଆସନ୍ତାକାଲି ଏନେଇ ଶୁଣାଣି କରିବେ ବୋଲି କହିଛନ୍ତି । ଅନ୍ୟପଟେ ଡ୍ରଗ୍ନ କାରବାର ନେଇ କୋର୍ଟରେ ବଳିଷ୍ଠ ପ୍ରମାଣ ଉପସ୍ଥାପନ କରିଛି ଏନସିବି । ତେବେ ଆସନ୍ତାକାଲି ଆର୍ଯ୍ୟନଙ୍କୁ ଜାମିନ ମିଳିବ ନା ପୁଣି ଘୁଞ୍ଚିବ ଶୁଣାଣି ତା ଉପରେ ଏବେ ସମସ୍ତଙ୍କ ନଜର ରହିଛି । କ୍ରୁଜରେ ଡ୍ରଗ୍ସ ପାର୍ଟି ମାମଲାରେ ଆର୍ଯ୍ୟନ ଖାନଙ୍କୁ ଗିରଫ କରିଥିଲା ଏନସିବି । ଗତ ଅକ୍ଟୋବର ୮ ତାରିଖରୁ ମୁମ୍ବାଇର ଆର୍ଥର ରୋଡ ଜେଲରେ ଅଛନ୍ତି ଆର୍ଯ୍ୟନ । ବାରମ୍ବାର ଆର୍ଯ୍ୟନ ଖାନଙ୍କ ଜାମିନ ଖାରଜ ହେଉଥିବା ବେଳେ, ହାଇକୋର୍ଟରେ ଏନେଇ ଚ୍ୟଲେଞ୍ଜ କରିଛନ୍ତି ତାଙ୍କ ଓକିଲ ।