ନୂଆଦିଲ୍ଲୀ: ଟ୍ୱିଟ୍ ପାଇଁ ଅଡୁଆରେ ପଡିିଥିବା ଷ୍ଟାଣ୍ଡ ଅପ୍ କମେଡିଆନ କୁନାଲ କାମ୍ରା କହିଛନ୍ତି, ଜୋକ୍କୁ ସତ ବୋଲି ଭାବନ୍ତୁ ନାହିଁ । ଆଉ ଜୋକ୍ ପାଇଁ କୋର୍ଟରେ ଡିଫେନ୍ସ ମଧ୍ୟ ଦରକାର ନାହିଁ ବୋଲି ସେ କହିଛନ୍ତି ।
ଅର୍ଣ୍ଣବ ଗୋସ୍ୱାମୀଙ୍କୁ ସୁ୍ପ୍ରିମକୋର୍ଟ ତୁରନ୍ତ ଜାମିନ ଦେବା ପ୍ରସଙ୍ଗରେ କୁନାଲ ଯେଉଁ ଟ୍ୱିଟ କରିଥିଲେ, ତାହା ବିବାଦ ଘେରକୁ ଆସିଥିଲା । ତାଙ୍କ ନାଁରେ ସୁପ୍ରିମକୋର୍ଟରେ ଅଦାଲତ ଅବମାନନା ମାମଲା ରୁଜୁ କରାଯାଇଥିଲା । ତାଙ୍କୁ ନୋଟିସ୍ ହେବାରୁ ସେ ସୁପ୍ରିମକୋର୍ଟରେ ଉତ୍ତର ରଖିଛନ୍ତି ଯେ, ଜୋକ୍ ପାଇଁ କିଛି ଡିଫେନ୍ସ ଦରକାର ନାହିଁ । ଜୋକ୍ରେ କମେଡିଆନ୍ର ନିଜସ୍ୱ ଦୃଷ୍ଟିଭଙ୍ଗୀ ରହିଥାଏ । ତାଛଡା ସେ ଯେଉଁ ଟ୍ୱିଟ କରିଥିଲେ, ବିଚାର ବ୍ୟବସ୍ଥା ଉପରେ ଲୋକଙ୍କ ଭରସା ହ୍ରାସ କରିବା ପାଇଁ ଆଦୌ ଉଦ୍ଦିଷ୍ଟ ନ ଥିଲା ।
କୁନାଲ ଏହା ମଧ୍ୟ କହିଛନ୍ତି, କୋର୍ଟଙ୍କ ବହୁ ନିଷ୍ପତ୍ତିକୁ ସମର୍ଥନ କରନ୍ତି ନାହିଁ । କିନ୍ତୁ ସମ୍ମାନ ଦିଅନ୍ତି । କୋର୍ଟଙ୍କ ରାୟକୁ ସେ ଅପମାନ ଦେଇନାହାନ୍ତି । ଯଦି ଅପମାନ ଦେଇଥାନ୍ତେ, ତେବେ ତାହା ଅଦାଲତ ଅବମାନନା ହୋଇଥାନ୍ତା ବୋଲି କହିଛନ୍ତି କୁନାଲ କାମରା ।
Comments are closed.