ମାଉଣ୍ଟ ମାଉଙ୍ଗାନୁଇ: ନ୍ୟୁଜିଲାଣ୍ଡ ବିପକ୍ଷ ଚତୁର୍ଥ ଦିନିକିଆରେ ଭାରତୀୟ ଦଳର ୨୪୪ ରନର ବଡ ପରାଜୟ ପରେ ମୁଖ୍ୟ କୋଚ୍ ଗୌତମ ଗମ୍ଭୀର ବ୍ୟାଟରମାନଙ୍କ ପ୍ରଦର୍ଶନକୁ ନେଇ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ୩୩୪ ରନର ଲକ୍ଷ୍ୟକୁ ପିଛା କରି ଭାରତ ମାତ୍ର ୨୬.୪ ଓଭରରେ ୮୯ ରନ କରି ଅଲଆଉଟ ହୋଇଯାଇଥିଲା। ମ୍ୟାଚ୍ ପରବର୍ତ୍ତୀ ସାମ୍ବାଦିକ ସମ୍ମିଳନୀରେ ଗମ୍ଭୀର ରୋହିତ ଶର୍ମା, ବିରାଟ କୋହଲି ଏବଂ ଅଧିନାୟକ ଶ୍ରେୟସ ଆୟରଙ୍କ ଭଳି ଅଭିଜ୍ଞ ବ୍ୟାଟରଙ୍କୁ ଆଦୌ ଛାଡ଼ି ନାହାନ୍ତି।
ଇନିଂସର ପ୍ରଥମ ଓଭରରେ ହିଁ କିୱି ପେସର ମ୍ୟାଟ୍ ହେନରୀଙ୍କ ବଲରେ ରୋହିତ, କୋହଲି ଏବଂ ଆୟର ଶୂନ ରନରେ ଆଉଟ ହୋଇଥିଲେ। ଏହା ପରେ ଋତୁରାଜ ଗାଏକ୍ୱାଡ ମଧ୍ୟ ଶୀଘ୍ର ପାଭିଲିୟନ ଫେରିବାରୁ ଭାରତ ମାତ୍ର ୯ ରନରେ ୪ଟି ୱିକେଟ ହରାଇ ସଂକଟରେ ପଡ଼ିଥିଲା। ଇଶାନ କିଷାନ ଓ ଅକ୍ଷର ପଟେଲ ୪୪ ରନର ଭାଗିଦାରୀ କରି କିଛି ସମୟ ଲଢ଼େଇ କରିଥିଲେ ହେଁ ହେନରୀ ୬ଟି ୱିକେଟ ନେଇ ଭାରତୀୟ ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ।
ପିଚ୍ ଓ ପରିସ୍ଥିତିକୁ ଦୋଷ ନଦେଇ ଗମ୍ଭୀର ସ୍ପଷ୍ଟ ଭାବେ କହିଛନ୍ତି ଯେ, “ଅନ୍ତର୍ଜାତୀୟ କ୍ରିକେଟରେ କୌଣସି ବଲ୍ ଖେଳିବା ଅସମ୍ଭବ ନୁହେଁ* । ମ୍ୟାଟ୍ ହେନରୀ ଭଲ ଲାଇନ୍ ଓ ଲେନ୍ଥରେ ବୋଲିଂ କରିଥିଲେ, କିନ୍ତୁ ବ୍ୟାଟର ଭାବେ ଆମକୁ ପ୍ରଥମ ୧୦ ଓଭର ସତର୍କତାର ସହ ଖେଳିବାର ଥିଲା।” ସେ ଆହୁରି କହିଛନ୍ତି ଯେ ଆଗାମୀ ବିଶ୍ୱକପ୍ ଦକ୍ଷିଣ ଆଫ୍ରିକାରେ ହେବାକୁ ଥିବାରୁ ନ୍ୟୁଜିଲାଣ୍ଡର ଏହି ପରିବେଶ ବେଶ୍ ଗୁରୁତ୍ୱପୂର୍ଣ୍ଣ। ଗତ ମ୍ୟାଚରେ ମଧ୍ୟ ଭାରତ ୧୧୧ ରନରେ ୭ଟି ୱିକେଟ ହରାଇଥିଲା। ବାରମ୍ବାର ଏଭଳି ବ୍ୟାଟିଂ ବିପର୍ଯ୍ୟୟ ଚିନ୍ତାର ବିଷୟ ବୋଲି ଗମ୍ଭୀର କହିଛନ୍ତି।
ଏହା ବ୍ୟତୀତ ଫିଲ୍ଡିଂରେ କ୍ୟାଚ୍ ହାତଛଡ଼ା କରିବା ଦଳକୁ ମହଙ୍ଗା ପଡ଼ିଲା ବୋଲି ଗମ୍ଭୀର ସ୍ୱୀକାର କରିଛନ୍ତି। ନ୍ୟୁଜିଲାଣ୍ଡର ଶତକ ହାସଲକାରୀ ୱିଲ୍ ୟଙ୍ଗ (୧୨୫ ରନ୍) ଦୁଇଥର ଜୀବନଦାନ ପାଇ ଦଳୀୟ ସ୍କୋରକୁ ୩୩୩ରେ ପହଞ୍ଚାଇଥିଲେ। ବର୍ତ୍ତମାନ ସିରିଜ୍ ୨-୧ରେ ଭାରତ ସପକ୍ଷରେ ଥିବାବେଳେ ରବିବାର ଖେଳାଯିବାକୁ ଥିବା ଅନ୍ତିମ ମ୍ୟାଚରେ ଅଭିଜ୍ଞ ବ୍ୟାଟରମାନେ ଦମଦାର ପ୍ରତ୍ୟାବର୍ତ୍ତନ କରିବେ ବୋଲି କୋଚ୍ ଆଶା ପ୍ରକଟ କରିଛନ୍ତି।
ଏହା ବ୍ୟତୀତ ଫିଲ୍ଡିଂରେ କ୍ୟାଚ୍ ହାତଛଡ଼ା କରିବା ମଧ୍ୟ ଦଳକୁ ବେଶ୍ ମହଙ୍ଗା ପଡ଼ିଲା ବୋଲି ସେ ସ୍ୱୀକାର କରିଛନ୍ତି। ନ୍ୟୁଜିଲାଣ୍ଡର ଶତକ