ନୂଆଦିଲ୍ଲୀ: ଦକ୍ଷିଣ ୟୁରୋପୀୟ ଦେଶ ଉତ୍ତର ମାସିଡୋନିଆର ଏକ ନାଇଟ୍ କ୍ଲବରେ ଭୟଙ୍କର ଅଗ୍ନିକାଣ୍ଡ । ଏହି ଦୁର୍ଘଟଣାରେ ୫୧ ଜଣ ପୋଡ଼ି ମୃତ୍ୟୁବରଣ କରିଥିବା ବେଳେ ୧୦୦ ଜଣ ଗୁରୁତର ଆହତ ହୋଇଛନ୍ତି । ସମସ୍ତଙ୍କୁ ଚିକିତ୍ସା ପାଇଁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏନେଇ ଦେଶର ଗୃହ ମନ୍ତ୍ରଣାଳୟ ଏହି ସୂଚନା ଦେଇଛି ।
ରିପୋର୍ଟ ଅନୁସାରେ, ରାଜଧାନୀ ସ୍କୋପଜେରୁ ପ୍ରାୟ ୧୦୦ କିଲୋମିଟର ପୂର୍ବରେ ଅବସ୍ଥିତ କୋକାନି ସହରର ପଲ୍ସ ନାଇଟ୍ କ୍ଲବରେ ରବିବାର ସକାଳେ ଅଗ୍ନିକାଣ୍ଡ ଘଟିଥିଲା ।
କୁହାଯାଉଛି ଯେ ନାଇଟ୍ କ୍ଲବରେ ଏକ ସଂଗୀତ କନସର୍ଟ ସମୟରେ ଆତସବାଜି ଯୋଗୁଁ ଏହି ଦୁର୍ଘଟଣା ଘଟିଛି । ଘଟଣାର ଭିଡିଓ ସୋସିଆଲ ମିଡିଆରେ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ସ୍ପଷ୍ଟ ଭାବରେ ଦେଖାଯାଉଛି ଯେ ନିଆଁ କେତେ ଭୟଙ୍କର ଥିଲା । ଚାରିଆଡେ ନିଆଁର ପ୍ରକୋପ ଏବଂ ଧୂଆଁ ବ୍ୟାପିଥିବା ଦେଖିବାକୁ ମିଳିଛି । ଅଗ୍ନିକାଣ୍ଡ ସମୟରେ କ୍ଲବରେ ବହୁ ସଂଖ୍ୟକ ଲୋକ ଉପସ୍ଥିତ ଥିଲେ । ଏହି ଘଟଣାପରେ ଲୋକମାନେ ଜୀବନ ବଞ୍ଚାଇବା ପାଇଁ ଏଣେତେଣେ ଦୌଡ଼ିବାକୁ ଲାଗିଲେ ।
Tragic disaster in North Macedonia — dozens of young people burned alive in a nightclub fire
A fire broke out at a nightclub in the city of Kočani. At least 50 people have died, most likely very young.
The tragedy was caused by pyrotechnics — someone in the crowd set off… pic.twitter.com/LAVulBEUy3
— NEXTA (@nexta_tv) March 16, 2025
ଘଟଣାରେ ପୋଲିସ ଜଣକୁ ଗିରଫ କରିଛି । କୁହାଯାଉଛି ଯେ ସଂଗୀତ କନ୍ସର୍ଟ ସମୟରେ କ୍ଲବରେ ହଜାରରୁ ଅଧିକ ଲୋକ ଉପସ୍ଥିତ ଥିଲେ । ଏହି ଘଟଣାରେ ଆହତ ହୋଇଥିବା ଲୋକମାନଙ୍କୁ କୋକାନିର ସ୍ଥାନୀୟ ଡାକ୍ତରଖାନାରେ ଭର୍ତ୍ତି କରାଯାଇଛି ।
Comments are closed.