ଭୁବନେଶ୍ୱର: ଜଣେ କ୍ୟାବିନେଟ ମନ୍ତ୍ରୀଙ୍କ ଦ୍ୱାରା ନିର୍ବାଚନୀ ଆଦର୍ଶ ଆଚରଣ ବିଧି ଉଲ୍ଲଂଘନ ଅଭିଯୋଗରେ ମଙ୍ଗଳବାର ଦିନ ବିଜେଡିର ଏକ ପ୍ରତିନିଧି ଦଳ ଓଡ଼ିଶା ମୁଖ୍ୟ ନିର୍ବାଚନ ଅଧିକାରୀ (ସିଇଓ)ଙ୍କୁ ଭେଟି ଫେରାଦ ହୋଇଛନ୍ତି।
ନୂଆପଡା ବିଧାନସଭା ନିର୍ବାଚନ ମଣ୍ଡଳୀରେ ମୁକ୍ତ ଏବଂ ନିରପେକ୍ଷ ଉପନିର୍ବାଚନ ସୁନିଶ୍ଚିତ କରିବା ପାଇଁ ଦଳ ସିଇଓଙ୍କ ହସ୍ତକ୍ଷେପ ଲୋଡ଼ିଛି।
ଦଳର ଅଭିଯୋଗ ଅନୁଯାୟୀ, ସ୍କୁଲ ଏବଂ ଗଣଶିକ୍ଷା, ଏସଟି ଏବଂ ଏସସି ବିକାଶ, ସଂଖ୍ୟାଲଘୁ ଏବଂ ପଛୁଆ ବର୍ଗ କଲ୍ୟାଣ ମନ୍ତ୍ରୀ ନିତ୍ୟାନନ୍ଦ ଗୋଣ୍ଡ ସୋମବାର ଦିନ ନୂଆପଡାର ଗୋପୀନାଥ ଜିଏନଏମ ନର୍ସିଂ ଟ୍ରେନିଂ କଲେଜ ପରିସରରେ ଏକ ସଭାକୁ ସମ୍ବୋଧିତ କରିବା ସମୟରେ ବିଜେପି ପ୍ରାର୍ଥୀ ଜୟ ଢୋଲକିଆଙ୍କ ପାଇଁ ପ୍ରଚାର କରିଥିଲେ। “ଯଦିଓ ଏହି ବୈଠକ ଗୋଣ୍ଡ ସମାଜ ବ୍ୟାନର ତଳେ ଆୟୋଜିତ ହୋଇଥିଲା କିନ୍ତୁ ଏହାର ବିଷୟବସ୍ତୁ ଏବଂ ଉଦ୍ଦେଶ୍ୟ ସ୍ପଷ୍ଟ ଭାବରେ ରାଜନୀତି ଭିତ୍ତିକ ଥିଲା। ବିଜେପି ପ୍ରାର୍ଥୀଙ୍କ ସପକ୍ଷରେ ଭୋଟରମାନଙ୍କୁ ପ୍ରଭାବିତ କରିବା ଏହାର ଲକ୍ଷ୍ୟ ଥିଲା ବୋଲି ସ୍ମାରକପତ୍ରରେ ଅଭିଯୋଗ କରାଯାଇଛି।
ଏହି ଘଟଣାରେ ତଦନ୍ତ ଆରମ୍ଭ କରିବାକୁ ବିଜେଡି ନିର୍ବାଚନ କମିଶନକୁ ଅନୁରୋଧ କରିଛି।
Comments are closed.