ଟ୍ୱିନସିଟିରେ ବସ, ଟ୍ରକ ପାଇଁ ଲାଗୁ ହେବନି ଯୁଗ୍ମ-ଅଯୁଗ୍ମ ନିୟମ

ଭୁବନେଶ୍ୱର: ଭୁବନେଶ୍ୱର ଓ କଟକରେ ସାର୍ବଜନିକ ପରିବହନ ଯାନ ଟ୍ରକ ଓ ବସ ପାଇଁ ଯୁଗ୍ମ -ଅଯୁଗ୍ମ ନିୟମ ଲାଗୁ ହେବ ନାହିଁ ବୋଲି ଶନିବାର ଦିନ ପୋଲିସ କମିଶନରେଟ୍ ସ୍ପଷ୍ଟ କରିଛନ୍ତି ।

ଏହା ପୂର୍ବରୁ ଶୁକ୍ରବାର ଦିନ ପୋଲିସ ରାସ୍ତାରେ ଯାନବାହନ ଗୁଡିକର ସଂଖ୍ୟା କମ୍ କରି କରୋନାଭାଇରସ ସଂକ୍ରମଣକୁ ରୋକିବା ପାଇଁ ସତର୍କତାମୂଳକ ପଦକ୍ଷେପ ସ୍ୱରୂପ ଯୁଗ୍ମ-ଅଯୁଗ୍ମ ନିୟମ ଲାଗୁ କରିଥିଲା ।

It is clarified that Taxis and Autos for hire have been regulated to make sure that they are on road on alternate days. This order doesn’t apply to Trucks & Buses as being rumoured. Let’s avoid congregations and #CoronaStopKaroNa. @SarangiSudhansu @cpbbsrctc @dcpbbsr @DCP_CUTTACK

— Sagarika IPS (@sagarika_nath) March 20, 2020

ଟ୍ରାଫିକ ଡିସିପି ସାଗରିକା ନାଥ ଶନିବାର ଦିନ ଟ୍ୱିଟ କରି ଜଣାଇଛନ୍ତି କି, ଯୁଗ୍ମ-ଅଯୁଗ୍ମ ନିୟମ ଅଟୋ ଓ ଟାକ୍ସି ଚଳାଚଳ କ୍ଷେତ୍ରରେ ଲାଗୁ କରାଯାଇଛି । କିନ୍ତୁ ଏହି ଆଦେଶ ଟ୍ରକ ଓ ବସ ଚଳାଚଳ କ୍ଷେତ୍ରରେ ଲାଗୁ ହେବାକୁ ନେଇ ଅପପ୍ରଚାର କରାଯାଉଛି ।

ଏହା ବ୍ୟତୀତ ଯୁଗ୍ମ-ଅଯୁଗ୍ମ ନିୟମ ବ୍ୟକ୍ତିଗତ ଯାନବାହନ କିମ୍ବା ଜରୁରୀକାଳୀନ ପରିସ୍ଥିତିରେ ବ୍ୟବହାର କରାଯାଉଥିବା ଯାନ ଉପରେ ଲାଗୁ ହେବନାହିଁ ।