ବ୍ରିଟେନର ବର୍ମିଂହାମରେ ଅନୁଷ୍ଠିତ ହେଉଥିବା କମନୱେଲଥ ଜୁଡୋ ଚାମ୍ପିଅନସିପରେ ୪୬ କିଲୋଗ୍ରାମ ପ୍ରି-କ୍ୟାଡେଟ୍ ବର୍ଗରେ ଓଡିଶାର ନିତ୍ୟା ମାଝି ବ୍ରୋଞ୍ଜ ପଦକ ହାସଲ କରିବା ସହ ଦେଶ ତଥା ରାଜ୍ୟ ପାଇଁ ଗୌରବ ଆଣିଦେଇଛନ୍ତି ।
ସେ କିସର ୧୦ ଶ୍ରେଣୀର ଛାତ୍ର ହୋଇଥିବା ବେଳେ ୨୦୧୩ ମସିହାରୁ କୋଚ୍ କନ୍ଦନ ମୁର୍ମୁଙ୍କ ତତ୍ୱାବଧାନରେ ନିତ୍ୟା ଜୁଡୋ ପ୍ରଶିକ୍ଷଣ ନେଉଛନ୍ତି ।
ନିତ୍ୟା କନ୍ଧମାଳ ଜିଲ୍ଲାର ଏକ ଗରିବ କୃଷକ ପରିବାରରେ ଜନ୍ମ ଗ୍ରହଣ କରିଥିଲେ ।
ଉଲ୍ଲେଖଯୋଗ୍ୟ, କିସର ଏହି ଛାତ୍ର ପୂର୍ବରୁ ରାଜ୍ୟସ୍ତରୀୟ ପ୍ରତିଯୋଗୀତାରେ ସ୍ୱର୍ଣ୍ଣ, ରୌପ୍ୟ ଓ ବ୍ରୋଞ୍ଜ ପଦକ ହାସଲ କରିଛନ୍ତି । ସେ ହରିଆଣା, ମହାରାଷ୍ଟ୍ର ଓ ଦିଲ୍ଲୀର ଜୁଡୋ ପ୍ରତିଯୋଗୀଙ୍କୁ ହରାଇ କମନୱେଲଥ ଇଭେଣ୍ଟ ଲାଗି ଭାରତୀୟ ଟିମରେ ସ୍ଥାନ ଅକ୍ତିଆର କରିଥିଲେ ।