ଭୁବନେଶ୍ବର: ବିଦେଶରେ ଓଡ଼ିଶାର ସମ୍ମାନ ବଢାଇଲା ଓଡ଼ିଆ ସିନେମା । ବିଦେଶରେ ସମ୍ମାନିତ ହୋଇଛି ଓଡ଼ିଆ ସିନେମା କ୍ରାନ୍ତୀଧାରା । ‘କ୍ରାନ୍ତିଧାରା’କୁ ମିଳିଛି ‘ଏସିୟାନ ଏକ୍ସିଲେନ୍ସ’ ଆୱାର୍ଡ । ଚାଇନାର ହଂକଂ ଠାରେ ଅନୁଷ୍ଠିତ ହୋଥିବା ‘ଏସିଆନ ଇଣ୍ଟରନ୍ୟାସନାଲ ୟୁଥ୍ ଫେଷ୍ଟିଭାଲ’ରେ ‘କ୍ରାନ୍ତିଧାରା’କୁ ମିଳିଛି ଏହି ପୁରସ୍କାର ।
୨୦୧୬ ମସିହାରେ ନିର୍ମିତ ଏହି ଫିଲ୍ମର ମୁଖ୍ୟ ଭୂମିକାରେ ଅଭିନେତ୍ରୀ ଗାର୍ଗୀ ମହାନ୍ତି, ଅମରେଶ ରାଉତରାୟ, ଦେବାଶିଷ ପାତ୍ର ଅଭିନୟ କରିଛନ୍ତି । ଏହାର ନିର୍ଦ୍ଦେଶନା ଭାର ତୁଲାଇଥିଲେ ଜଣାଶୁଣା ନିର୍ଦ୍ଦେଶକ ହିମାଂଶୁ ଖଟୁଆ । ଫିଲ୍ମଟିର କାହାଣୀ ରଚନା କରିଥିଲେ ଓଡ଼ିଆ ‘କାଦମ୍ବିନୀ ମାଗାଜିନ’ର ପ୍ରତିଷ୍ଠାତା ଇତି ସାମନ୍ତ।
ଜଣେ ମହିଳା ରାଜନୀତିକୁ ଆସିବା ପାଇଁ କିଭଳି ନିଜ ଜୀବନ ସହ ସଂଘର୍ଷ କରୁଛି ତାହା ଉପରେ ଆଧାରିତ ଫିଲ୍ମ ‘କ୍ରାନ୍ତିଧାରା’ (ଝଡ଼ ପରେ ସୂର୍ଯ୍ୟ ) ।
Comments are closed.