ଭୁବନେଶ୍ୱର: ଜାତୀୟ ଖାଦ୍ୟ ସୁରକ୍ଷା ଆଇନ୍ ପ୍ରଣୟନ ଓ କାର୍ଯ୍ୟକାରୀତାରେ ଦେଶରେ ଓଡ଼ିଶା ଶ୍ରେଷ୍ଠ ରାଜ୍ୟ । କେନ୍ଦ୍ର ସରକାରଙ୍କ ଖାଦ୍ୟ ଓ ସାଧାରଣ ବଣ୍ଟନ ବିଭାଗ ପକ୍ଷରୁ ଜାରି ଷ୍ଟେଟ ରାଙ୍କିଂ ଇଣ୍ଡେକ୍ସ ଫର୍ NFSAରେ ଓଡ଼ିଶା ୧ ନମ୍ବର ସ୍ଥାନରେ ରହିଛି । ଓଡ଼ିଶା ତଳକୁ ଦ୍ୱିତୀୟରେ ବିଜେପି ଶାସିତ ଉତ୍ତର ପ୍ରଦେଶ ରହିଥିବା ବେଳେ ତୃତୀୟ ସ୍ଥାନରେ ରହିଛି ଆନ୍ଧ୍ରପ୍ରଦେଶ । ଓଡ଼ିଶାର ଇଣ୍ଡେକ୍ସ ସ୍କୋର ୦.୮୩୬ ରହିଛି ।
#Odisha has been ranked as No. 1 State in the Country in State Ranking Index for NFSA – creating resilient food systems to optimize the delivery of benefits – announced by Government of India on 5th July 2022 at New Delhi. #FoodSecurity @CMO_Odisha @PiyushGoyal @Atanusa82253602 pic.twitter.com/RZ0u8Qox0k
— FoodOdisha (@Food_Odisha) July 5, 2022
ସେହିଭଳି ଜାତୀୟ ଖାଦ୍ୟ ସୁରକ୍ଷା ଆଇନ୍ ଷ୍ଟେଟ ରାଙ୍କିଂ ପିଲାର ୧ରେ ଓଡ଼ିଶା ତୃତୀୟ ସ୍ଥାନରେ ରହିଥିବା ବେଳେ ପିଲାର ୨ରେ ଚତୁର୍ଥ ସ୍ଥାନରେ ରହିଛି । ଦେଶର ସମସ୍ତ ନାଗରିକଙ୍କୁ ଖାଦ୍ୟ ଯୋଗାଇ ଦେବା ଉଦ୍ଦେଶ୍ୟରେ ଦେଶରେ ୨୦୧୩ରେ ଜାତୀୟ ଖାଦ୍ୟ ସୁରକ୍ଷା ଆଇନ୍ ଅଣାଯାଇଥିଲା । ଏଥିରେ ସହରାଞ୍ଚଳରେ ୫୦ ପ୍ରତିଶତ ଓ ଗ୍ରାମାଞ୍ଚଳର ୭୫ ପ୍ରତିଶତ ଲୋକ ଉପକୃତ ହୋଇ ପାରୁଛନ୍ତି । କେନ୍ଦ୍ର ଓ ରାଜ୍ୟ ସରକାରଙ୍କ ମିଳିତ ସହଭାଗିତାରେ ଏହା ସଫଳ ହୋଇପାରିଛି ।