ଭୁବନେଶ୍ୱର: ରାଜ୍ୟ ବିଜେପିର ନୂଆ ସଭାପତି ମନମୋହନ ସାମଲ ଦଳର ସ୍ଥାପନା ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଭେଟି ଆଲୋଚନା କରିଛନ୍ତି । ଏନେଇ ମନମୋହନ ଟ୍ୱିଟ୍ କରି ଲେଖିଛନ୍ତି, ପ୍ରଧାନମନ୍ତ୍ରୀଙ୍କ ସହ ବେଶ୍ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଛି । ପ୍ରଧାନମନ୍ତ୍ରୀ ତାଙ୍କର ବହୁ ମୂଲ୍ୟ ସମୟ ସହ ମାର୍ଗଦର୍ଶନ ଦେଇଥିବାରୁ କୃତଜ୍ଞତା ଜଣାଉଛି ।
आज यशस्वी माननीय प्रधान मंत्री श्री नरेंद्र मोदी जी के साथ मुलाकात करने का सम्मान मिला। यह एक महत्वपूर्ण बैठक थी मैं माननीय प्रधानमंत्री जी के बहुमूल्य समय और मार्गदर्शन के लिए उनका आभारी हूं और मुझे विश्वास है कि उनके दूरदर्शी नेतृत्व में देश लगातार समृद्ध और फलता-फूलता रहेगा। pic.twitter.com/NO6V7nwXKF
— Manmohan Samal (@SamalManmohan7) April 6, 2023
ମୋର ବିଶ୍ୱାସ ପିଏମ୍ ମୋଦିଙ୍କ ଦୂରଦର୍ଶୀ ନେତୃତ୍ୱରେ ଦେଶ ସମୃଦ୍ଧିର ଶିଖର ଚଢ଼ିବା ସହ ସବୁବେଳେ ହସିବ । ରାଜ୍ୟ ବିଜେପି ସଭାପତି ଭାବେ ଦାୟିତ୍ୱ ନେବାର ୨ ସପ୍ତାହ ମଧ୍ୟରେ ମନମୋହନ ସାମଲ୍ ଦିଲ୍ଲୀ ଯାଇ ପ୍ରଧାନମନ୍ତ୍ରୀ ମୋଦିଙ୍କ ସହ ଦଳର ଅନ୍ୟ ଶୀର୍ଷ ନେତୃତ୍ୱଙ୍କୁ ଭେଟି ସଂଗଠନ ବିଷୟରେ ଆଲୋଚନା କରିଥିବା କୁହାଯାଉଛି ।
ବିଜୟ ମହାପାତ୍ରଙ୍କ ଭଳି ଦଳରୁ ଦୂରେଇ ରହିଥିବା ବରିଷ୍ଠ ନେତାଙ୍କୁ କିଭଳି ଦଳରେ ସାମିଲ୍ କରାଯିବ । ସେନେଇ କେନ୍ଦ୍ରୀୟ ନେତୃତ୍ୱଙ୍କ ସହ ଆଲୋଚନା କରିଛନ୍ତି ମନମୋହନ । ସାଧାରଣ ନିର୍ବାଚନକୁ ପାଖାପାଖି ବର୍ଷେ ବାକିଥିବା ବେଳେ ଦଳ କିଭଳି ୨୦୧୯ ଅପେକ୍ଷା ଭଲ କରିବ ସେ ନେଇ ମନମୋହନ ଆଲୋଚନା କରିଛନ୍ତି ।