ଭୁବନେଶ୍ବର: ରାଜ୍ୟରେ ଆଇଟି ଭିତ୍ତିଭୂମିକୁ ସୁଦୃଢ଼ କରିବ ପାଇଁ ରାଜ୍ୟ କ୍ୟାବିନେଟର ବଡ଼ ନିଷ୍ପତ୍ତି। ଓଡ଼ିଶା ଷ୍ଟେଟ ଏରିଆ ନେଟୱର୍କ-OSWAN ପ୍ରକଳ୍ପକୁ ଅପଗ୍ରେଡ କରାଯିବ। ରାଜ୍ୟ ହେଡକ୍ୱାଟର୍ସ ସହ ସବୁ ଜିଲ୍ଲା ମୁଖ୍ୟାଳୟ ଓ ୩୧୪ଟି ବ୍ଲକ ମୁଖ୍ୟାଳୟରେ ବ୍ୟାଣ୍ଡୱିଥ୍ ଯୋଗାଇବାର ଯୋଜନା ରହିଛି। OSWAN ଅପଗ୍ରେଡେସନ୍ ପାଇଁ ୩୩୨ କୋଟି ଟଙ୍କା ଖର୍ଚ୍ଚ ହେବ।
ସୁନ୍ଦଗଡ଼ ଜିଲ୍ଲାରେ ୨ଟି ବୃହତ ଗ୍ରାମ୍ୟ ପାନୀୟ ଜଳ ଯୋଗାଣ ପ୍ରକଳ୍ପକୁ କ୍ୟାବିନେଟ ଅନୁମୋଦନ ମିଳିଛି। ପ୍ରକଳ୍ପ ଶେଷ ପାଇଁ ୨୪ ମାସ ସମୟ ଧାର୍ଯ୍ୟ ହୋଇଛି। ଏହାଦ୍ବାରା ୧୦ଟି ବ୍ଲକର ୬ ଲକ୍ଷରୁ ଅଧିକ ଲୋକ ଉପକୃତ ହେବେ। ଗୋଟିଏ ପ୍ରକଳ୍ପ ପାଇଁ ୭୮୬କୋଟି ଓ ଅନ୍ୟ ପ୍ରକଳ୍ପ ପାଇଁ ୩୮୮ କୋଟି ଟଙ୍କା ଖର୍ଚ୍ଚ ହେବ।
ସେହିପରି କଟକ ଜିଲ୍ଲା ପାଇଁ ବୃହତ ଗ୍ରାମ୍ୟ ପାନୀୟ ଜଳ ପ୍ରକଳ୍ପକୁ ମଞ୍ଜୁରୀ ମିଳିଛି। ଏଥିରେ ଖର୍ଚ୍ଚ ହେବ ୨୭୫ କୋଟି ଟଙ୍କା। ଅଢ଼େଇ ଲକ୍ଷରୁ ଅଧିକ ଲୋକ ଉପକୃତ ହେବେ। ସେହିପରି କେନ୍ଦୁଝର ଜିଲ୍ଲାର ଯୋଡ଼ା ଓ ଚମ୍ପୁଆ ସହରବାସୀଙ୍କ ପ୍ରତି ଘରକୁ ନିରବିଛିନ୍ନ ଭାବରେ ପାନୀୟ ଜଳ ଯୋଗାଯିବ। ଏହି ପ୍ରସ୍ତାବରେ ବାଜିଛି କ୍ୟାବିନେଟ ମୋହର। ଖର୍ଚ୍ଚ ହେବ ୧୦୩ କୋଟି ଟଙ୍କା। ୨୦୨୩ ଅଗଷ୍ଟ ସୁଦ୍ଧା କାମ ସାରିବାକୁ ଲକ୍ଷ୍ୟ ରଖାଯାଇଛି।
Comments are closed.