ଭୁବନେଶ୍ୱର: ଆସନ୍ତାକାଲି ସକାଳ ୫ଟାରେ ରାଜ୍ୟରେ ସରୁଛି ଆଂଶିକ ଲକଡାଉନ୍ । ଆଜି ଆସିବ ଜୁଲାଇ ମାସ ପାଇଁ ଗାଇଡଲାଇନ୍ । ଅପରାହ୍ଣ ସାଢ଼େ ୨ଟାରେ ମୁଖ୍ୟ ସଚିବ ସୁରେଶ ମହାପାତ୍ର ପ୍ରେସ ବିବୃତି ଜାରି କରିବେ । ଜୁଲାଇରେ ସଂକ୍ରମଣ ହାର କମିଥିବାରୁ ଆଉ କେଉଁ ସବୁ ଜିଲ୍ଲା କାଟାଗୋରୀ-ଇକୁ ଯିବ ? କେଉଁ କ୍ଷେତ୍ରକୁ ଅଧିକ କୋହଳ ମିଳିବ ? ଆକ୍ଟିଭ୍ ଓ ପଜିଟିଭିଟିରେ ରେଡ୍ ଜୋନରେ ଥିବା ଜିଲ୍ଲା ପାଇଁ କଣ ରହିବ ଜୁଲାଇ ରୂପରେଖ ? ଏସମ୍ପର୍କରେ ବିସ୍ତୃତ ସୂଚନା ଦେବେ ମୁଖ୍ୟ ସଚିବ ।
କାଟାଗୋରୀ-Aକୁ ଆସିବେ ଆଉ କିଛି ଜିଲ୍ଲା
ଜୁନ୍ ୧୭ରେ ଲାଗୁ ହୋଇଥିବା ଆଂଶିକ ଲକଡାଉରେ ୧୭ ଜିଲ୍ଲା କାଟାଗୋରୀ-ଇରେ ଥିଲେ । ଏଥର ଅନୁଗୋଳ, ଢେଙ୍କାନାଳ, କେନ୍ଦ୍ରାପଡ଼ା, କେନ୍ଦୁଝର, ଜଗତସିଂହପୁର ସମେତ ଆଉ କିଛି ଜିଲ୍ଲା କାଟାଗୋରୀ-ଇରେ ସାମିଲ ହୋଇ ପାରନ୍ତି । ଏହି ବର୍ଗରେ ଆସୁଥିବା ଜିଲ୍ଲାରେ ଦୋକାନ ବଜାର ଖୋଲିବାା ସମୟସୀମାକୁ ବଢ଼ାଇ ପାରନ୍ତି ସରକାର । ଏବେ ସନ୍ଧ୍ୟା ୫ଟା ଯାଏ ଖୋଲୁଥିବା ବେଳେ ଏହାକୁ ରାତି ୮କୁ ବୃଦ୍ଧି କରିପାରନ୍ତି ।

ଫୋକସରେ ଖୋର୍ଦ୍ଧା, ପୁରୀ, ବାଲେଶ୍ୱର
ଆକ୍ଟିଭ୍ ଓ ପଜିଟିଭ୍ ରେଜ୍ ଜୋନ୍ ଜିଲ୍ଲାରେ ଆଂଶିକ ଲକଡାଉନ୍ ବଳବତ୍ତର ରହିପାରେ । ଗତକାଲି କୋଭିଡ୍ ସ୍ଥିତି ସମୀକ୍ଷା ବେଳେ ସଂକ୍ରମଣ ହାର ଅଧିକ ଥିବା ଜିଲ୍ଲା ଉପରେ ଫୋକସ କରିବାକୁ କହିଥିଲେ ମୁଖ୍ୟମନ୍ତ୍ରୀ । ସେହିପରି ସ୍ୱାସ୍ଥ୍ୟ ବିଭାଗ ଅତିରିକ୍ତ ମୁଖ୍ୟ ସଚିବ ପ୍ରଦୀପ୍ତ ମହାପାତ୍ର ଖୋର୍ଦ୍ଧା ଓ ପୁରୀ ଜିଲ୍ଲାରେ ପଜିଟିଭ୍ ହାର ଅଧିକ ଥିବାରୁ ଏହା ଉପରେ ଫୋକସ କରାଯାଉଥିବା କହିଥିଲେ । ଜୁଲାଇ ୧୫ ବେଳକୁ ସ୍ଥିତିରେ ଅଧିକ ସୁଧାର ଆସିବ ବୋଲି କହିଥିଲେ ।
ରେଡ୍ ଜୋନ୍ ପାଇଁ କଣ ପ୍ଲାନ୍ ?

ଆଜି ପଜିଟିଭିଟି ରେଡ୍ ଜୋନରେ ବାଲେଶ୍ୱର(୧୩.୫%) ଓ ମାଲକାନଗିରି(୭.୫%) ପଜିଟିଭିଟି ରେଡ୍ ଜୋନରେ ଅଛି । ଖୋର୍ଦ୍ଧା, କଟକ, ନୟାଗଡ଼, ଜଗତସିଂହପୁର, ପୁରୀ, ଢେଙ୍କାନାଳ, ମୟୂରଭଞ୍ଜ,ଭଦ୍ରକ ଜିଲ୍ଲା ପଜିଟିଭିଟି ଅରେଞ୍ଜ ଜୋନରେ ଆସୁଛନ୍ତି । ସେହିପରି ଆକ୍ଟିଭ୍ କେସ୍ ରେଡ୍ ଜୋନରେ ଅଛି ଖୋର୍ଦ୍ଧା(୫୨୩୯), କଟକ(୩୯୨୧), ବାଲେଶ୍ୱର(୨୯୮୮) ଓ ଯାଜପୁର(୨୬୯୨) ଜିଲ୍ଲା । ୨୧ ଜିଲ୍ଲା ଗ୍ରୀନ ଜୋନରେ (୧୦୦୦ରୁ କମ୍ ଆକ୍ଟିଭ୍ କେସ) ଥିବା ବେଳେ ୫ ଜିଲ୍ଲା ଅଛି ଅରେଞ୍ଜ ଜୋନରେ ଅଛି । ତେଣୁ ଆଶା କରାଯାଉଛି ପାଖାପାଖି ୨୦-୨୫ ଜିଲ୍ଲାରେ କଟକଣା ଅଧିକ କୋହଳ ହୋଇପାରେ ।
ଗଡ଼ିବ କି ବସ୍, ଖୋଲିବ କି ଜିମ୍ ଓ ଯୋଗ ସେଣ୍ଟର ?

ଜୁଲାଇ ଗାଇଡଲାଇନରେ ବସ୍ ଚଳାଚଳ ଉପରେ ସରକାର କି ନିଷ୍ପତ୍ତି ନେବେ ତାକୁ ଅପେକ୍ଷା ରହିଛି । ଦୁଇ ମାସ ହେବ ବସ୍ ସେବା ବନ୍ଦ ଥିବାରୁ ଘରୋଇ ବସ ମାଲିକ ବହୁ କ୍ଷତି ସହିଲେଣି । କର୍ମଚାରୀ ବି ଦୁର୍ଦ୍ଦିନରେ ଅଛନ୍ତି । ସେହିପରି ସଂକ୍ରମଣ ହାର କମ୍ ଥିବା ଜିଲ୍ଲାରେ ଜିମ୍, ଯୋଗ ସେଣ୍ଟର ୫୦ ପ୍ରତିଶତ କ୍ଷମତା ସହ ଖୋଲିବାକୁ ଅନୁମତି ମିଳିବ କି ନାହିଁ ତାଉପରେ ବି ରହିଛି ନଜର । କାରଣ ବିଭିନ୍ନ ରାଜ୍ୟ ଏକ୍ଷେତ୍ରରେ କଟକଣା କୋହଳ କରିଛନ୍ତି । ସପ୍ତାହାନ୍ତ ସଚଡାଉନ୍ ଓ ନାଇଟ୍ କର୍ଫ୍ୟୁ ଉଠିବ ନା ବଳବତ୍ତର ରହିବ କଣ ନିଷ୍ପତ୍ତି ଆସୁଛି ଆଉ କିଛି ଘଣ୍ଟା ପରେ ସ୍ପଷ୍ଟ ହେବ ।
BREAKING NEWS
- ଓଡ଼ିଶା ପାଭିଲିୟନ୍ ଉଦ୍ଘାଟିତ; ପ୍ରଦର୍ଶିତ ହେଉଛି ରାଜ୍ୟର ସମୃଦ୍ଧ ଐତିହ୍ୟ ଓ ଉଦୀୟମାନ ଅର୍ଥନୈତିକ ସମ୍ଭାବନା
- ସାଙ୍ଗଙ୍କୁ ପଥରରେ ଛେଚି ହତ୍ୟା କରିଥିଲେ ସାଙ୍ଗ; ମାଟି ତଳୁ ମିଳିଲା କଙ୍କାଳ
- ଅଣ୍ଡର୍-୧୯ ଏସିଆ କପ୍: ପାକିସ୍ତାନକୁ ହରାଇ ୯ମ ଥର ପାଇଁ ଚାମ୍ପିୟନ ହେଲା ଭାରତ
- ସୟେଦ ମୁସ୍ତାକ ଅଲ୍ଲୀ ଟ୍ରଫି: ଶୁଭ୍ରାଂଶୁ ସେନାପତିଙ୍କ ବିସ୍ଫୋରକ ୮୯ ରନ୍ ସତ୍ତ୍ୱେ ହାରିଲା ଓଡ଼ିଶା
- ଏସିଆ ରଗ୍ବୀ ଏମିରେଟ୍ସ ଅଣ୍ଡର-୨୦ ସେଭେନ୍ସ ଚାମ୍ପିୟନସିପ୍ ଉଦ୍ଘାଟିତ;୧୦ଟି ଦେଶର ୧୭ଟି ଟିମ୍ ଅଂଶଗ୍ରହଣ
- ନ୍ୟୁଜିଲାଣ୍ଡ ଟେଷ୍ଟ ସିରିଜ୍ ପାଇଁ ଭାରତୀୟ ଦଳରେ ବଡ଼ ପରିବର୍ତ୍ତନ: ଗୁରନୁରଙ୍କୁ ମିଳିଲା ସୁଯୋଗ, କୁଲଦୀପ ବାଦ୍
- ଜେଲରେ ବିଚାରାଧୀନ କଏଦୀଙ୍କ ମୃତ୍ୟୁ: ପତ୍ନୀଙ୍କୁ ୧୫ ଲକ୍ଷ ଟଙ୍କା କ୍ଷତିପୂରଣ ଓ ସରକାରୀ ଚାକିରି ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
- ସିବିଆଇ ଜାଲରେ ପାରାଦୀପ ବନ୍ଦର ଅଧିକାରୀ, ବାସଭବନରେ ଚାଲିଛି ରେଡ୍; ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ
- ପ୍ରଧାନମନ୍ତ୍ରୀ ଆବାସ ଯୋଜନାରେ ଓଡିଶାକୁ ଆଉ ଲକ୍ଷେ ଘର, ବଲାଙ୍ଗୀରର ସର୍ବାଙ୍ଗୀନ ବିକାଶ ପାଇଁ ୯୧୧ କୋଟିର ପ୍ରକଳ୍ପ ଭେଟି
- ୧୫ ବର୍ଷ ବୟସରେ ଇତିହାସ ରଚିଲେ ବୈଭବ ସୂର୍ଯ୍ୟବଂଶୀ: ପୁରୁଷ ଟି-୨୦ କ୍ରିକେଟରେ ହେଲେ ସର୍ବକନିଷ୍ଠ ଅଧିନାୟକ
Comments are closed.