ଭୁବନେଶ୍ୱର: କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି (କୋଭିଡ-୧୯)କୁ ଛୁଟିଲା ସହାୟତାର ସୁଅ । ମାରାତ୍ମକ କରୋନା ଭୂତାଣୁର ମୁକାବିଲା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ୩ ମାସର ଦରମା ଦାନ କରିବା ପାରେ ଆଜି ମନ୍ତ୍ରୀ ଓ ବିଧାୟକ ନିଜ ଦରମା ଦାନ କରିଛନ୍ତି ।
ମୁଖ୍ୟମନ୍ତ୍ରୀ ନୀବନ ପଟ୍ଟନାୟକଙ୍କ ଆହ୍ୱାନ କ୍ରମେ ୩ ମାସର ଦରମା କରୋନା ମୁକାବିଲା ପାଇଁ ମୁଖ୍ୟମନ୍ତ୍ରୀଙ୍କ ପାଣ୍ଠିକୁ ପ୍ରାଦନ କରିଛନ୍ତି ପଂଚାୟତି ରାଜ ଓ ଆଇନ ମନ୍ତ୍ରୀ ପ୍ରଜାପ ଜେନା । ଏଥିସହ ତାଙ୍କ ନିର୍ବାଚନ ମଣ୍ଡଳୀ ମାହାଙ୍ଗା ସମେତ ନିଶ୍ଚିନ୍ତକୋଇଲିରେ ଭୂତାଣୁର ସଫଳ ମୁକାବିଲା ପାଇଁ ୧ କୋଟି ଟଙ୍କା ବିଧାୟକ ପାଣ୍ଠିରୁ ପ୍ରଦାନ କରିଛନ୍ତି ।
ରାଜ୍ୟସଭା ସାଂସଦ ସସ୍ମିତ ପାତ୍ର ୩ ମାସର ଭତ୍ତା ସହ ଦରମା ୩ଲକ୍ଷ ଟଙ୍କା କୋଭିଡ-୧୯ ରିଲିଫ ପଣ୍ଡକୁ ଦାନ କରିଛନ୍ତି । ସେହିପରି ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ମଧ୍ୟ ନିଜ ନିର୍ବାଚନ ମଣ୍ଡଳୀରେ କରୋନା ମୁକାବିଲା ପାଇଁ ନିଜ ସମସ୍ତ ବିଧାୟକ ପାଣ୍ଠି ଟଙ୍କା ଦେଇଛନ୍ତି ।
ବିଧାୟକ ଅତନୁ ସବ୍ୟସାଚୀ ନାଏକ, କୃଷି ଓ ଉଚ୍ଚଶିକ୍ଷା ମନ୍ତ୍ରୀ ଅରୁଣ ସାହୁ, ବିଧାୟିକା ଲତିକା ପ୍ରଧାନ ନିଜ ନିଜ ୩ ମାସର ଦରମା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଦେଇଛନ୍ତି । ସେହିପରି ସାଂସଦ ଅମର ପଟ୍ଟନାୟକ ସୁନ୍ଦରଗଡ ଜିଲ୍ଲାରେ ବିଭିନ୍ନ ଚିକିତ୍ସା ଉପକରଣ ପାଇଁ ୧ କୋଟି ଟଙ୍କା ଦାନ କରିଛନ୍ତି ।
କରୋନା ମୁକବିଲାରେ ରାଜ୍ୟ ସରକାରଙ୍କୁ ସହଯୋଗ ପାଇଁ ଓଡ଼ିଶା ଖଣି ନିଗମ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୫ଶହ କୋଟି ଟଙ୍କା ସହଯୋଗ କରିଛି । ସେହିପରି ଓଟିଡିସି ମଧ୍ୟ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୫ ଲକ୍ଷ ଟଙ୍କା ସହାୟତା ରାଶି ପ୍ରଦାନ କରିଛି ।
Comments are closed.