ଭୁବନେଶ୍ୱର: ଖୁବଶୀଘ୍ର ରାଜଧାନୀର ଘରୋଇ ହସ୍ପିଟାଲ କର କ୍ଲିନିକରେ ଆରମ୍ଭ ହେବ ଜରୁରୀ ସେବା । ଏନେଇ ସ୍ୱସ୍ଥ ଓ ପରିବାର କଲ୍ୟାଣ ମନ୍ତ୍ରାଳୟ ଟ୍ୱିଟ୍ କରି ସୂଚନା ଦେଇଛନ୍ତି । ଏଥିପାଇଁ ଆଜି କର କ୍ଲିନିକକୁ ପୁରା ବିଶୋଧନ କରାଯାଇଛି ।
Kar Clinic Bhubaneswar has been sanitised and advised to provide emergency continuum care such as dialysis. However the care providers who had come in contact with the third COVID positive case need to be on isolation and the SoP issued by DHS be followed. @CMO_Odisha
— H & FW Dept Odisha (@HFWOdisha) March 29, 2020
ତୃତୀୟ କରୋନା ସଂକ୍ରମିତ ଚିହ୍ନଟ ହେବା ପରେ କର କ୍ଲିନିକରେ ସରକାର କଟକଣା ଲାଗୁ କରିଥିଲେ । ଚିକିତ୍ସା ସେବା ବନ୍ଦ କରିବାକୁ ନିର୍ଦ୍ଦେଶ ଦେବା ସହ ପୁରା ହସ୍ପିଟାଲକୁ ସାନିଟାଇଜ କରିବାକୁ ନିର୍ଦ୍ଦେଶ ଦେଇଥିଲେ । ଏପରିକି ତୃତୀୟ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ଡାକ୍ତର ଓ କର୍ମଚାରୀଙ୍କୁ କ୍ୱାରେଣ୍ଟାଇନରେ ରହିବାକୁ ନିର୍ଦ୍ଦେଶ ଦିଆଯାଇଥିଲା ।
ରାଜଧାନୀର ଏହି କ୍ଲିନକରେ ଡାଇଲିସିସ ଭଳି ଅନେକ ଗୁରୁତର ରୋଗୀ ଚିକିତ୍ସିତ ହେଉଥିଲେ । ତେବେ ସରକାର ହସ୍ପିଟାଲ ଉପରେ କଟକଣା ଲଗାଇବା ପରେ ରୋଗୀଙ୍କ ଚିକିତ୍ସା ନେଇ ଆଶଙ୍କା ଉପୁଜିଥିଲା । ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଏବେ ହସ୍ପିଟାଲକୁ ସାନିଟାଇଜ କରାଯାଇଛି । ଏହାପରେ ଖୁବ୍ ଜରୁରୀ ସେବା ଆରମ୍ଭ ହେବ ବୋଲି ସୂଚନା ମିଳିଛି ।