ଭୁବନେଶ୍ୱର: ଅନ୍ତରାଷ୍ଟ୍ରୀୟ ବଜାରରେସି ଡିଜେଲର ଦରବୃଦ୍ଧି ଘଟିବା ପରେ ଓଡିଶା ସରକାର ସୋମବାର ଦିନ ସମସ୍ତ ଶ୍ରେଣୀ ବସର ଭଡା ବୃଦ୍ଧି କରାଇଛନ୍ତି ।
ସାଧାରଣ(ଅର୍ଡିନାରି) ବସ ପାଇଁ ଭଡ଼ା କିଲୋମିଟର ପିଛା ୧ ପଇସା ପାଇଁ ବଢିଥିବା ବେଳେ ଏକ୍ସପ୍ରେସ୍ ବସ ପାଇଁ ମଧ୍ୟ କିଲୋମିଟର ପିଛା ସେହି ୧ ପଇସା ବଢିଛି । ସେହିପରି ଡିଲକ୍ସ ବସ ପାଇଁ କିଲୋମିଟର ପିଛା ୨ ପଇସା ବଢିଥିବା ବେଳେ ଏସି ଡିଲକ୍ସ ବସ ପାଇଁ ମଧ୍ୟ କିଲୋମିଟର ପିଛା ୨ ପଇସା ବୃଦ୍ଧି ପାଇଛି।
ପରିବହନ ବିଭାଗ ପକ୍ଷରୁ ଜାରି ଏକ ନୋଟିସ ଅନୁଯାୟୀ ଅର୍ଡିନାରି ବସ ଭଡ଼ା ପୂର୍ବରୁ କିଲୋମିଟର ପିଛା ୬୯ ପଇସା ଥିବାବେଳେ ଏବେ ୭୦ ପଇସାରେ ପହଂଚିଛି । ଏକ୍ସପ୍ରେସ ବସ ଭଡ଼ା କିଲୋମିଟର ପିଛା ୭୨ ପଇସା ଥିବା ବେଳେ ୭୩ ପଇସା ହୋଇଛି ।
ଏହାଛଡା ଡିଲକ୍ସ ବସ ଭଡ଼ା କିଲୋମିଟର ପିଛା ୯୯ ପଇସା ଥିବାବେଳେ ୧ ଟଙ୍କା ୧ ପଇସା ହୋଇଛି । ଏସି ଡିଲକ୍ସ ବସ ଭଡ଼ା କିଲୋମିଟର ପିଛା ୧ ଟଙ୍କା ୨୧ ପଇସା ଥିବାବେଳେ ୧ ଟଙ୍କା ୨୩ ପଇସା ହୋଇଛି ।